DILI-Sekretáriu Estadu na’in haat kompostu Sekretáriu Estadu Juventude no Desportu (SEJD), S.E. Eng. Abrão Nokosiu Saldanha , S.E. Dra. Maria José da Fonseca Monteiro de Jesus, Sekretária Estadu ba Ingualdade no Inkluzaun (SEII), S.E. Sr. Teofilo Caldas, Sekretáriu Estadu Arte no Kultura (SEAC,sigla Portugés) no S.E. Sr. Mericio Juvenal dos Reis “Akara”, Sekretáriu Estadu Komunikasaun Sosial (SEKOMS) realiza sorumutu iha kinta loron 30 jullu 2020 iha sala reuniaun SEJD Lecidere Dili. Iha sorumutu ne’e, sekretaría de Estadu 4 koordena programa no serbisu sira ne’ebé sira bele hala’o hamutuk iha nivel nasional no iha baze.

Sorumutu ida ne’e halo hafoin simu instrusaun husi S.E. Sr. Primeiru Ministru atu hahu programa prestasaun serbisu balu iha baze iha area ne’ebé Sekretaría Estadu sira ne’e tutela ba. Durante sorumutu, sekretariu estadu sira diskuti mós serbisu balu ne’ebé la’o tiha ona iha nivel munisipiu hanesan centru juventude sira no centru sira SEII nian iha munisipiu. Sekretariu Estadu nain 4 mós diskuti sobre esperiensia ne’ebé instituisaun idaidak hala’o tiha ona no konsidera oinsa mak esperiensia hirak ne’e bele ajuda fasilita implementasaun programa sira tuir mai ho diak liu tan.

Hafoin diskusaun, Sekretariu Estadu sira fo orientasaun ba tékniku sira husi sekretária estadu 4 ne’e atu halo diskusaun téknika no aprezenta fila fali rezultadu kona-ba oinsa atu implementa programa ne’ebé sira sei hala’o. Hafoin aprezentasaun husi tékniku sira, mak Sekretáriu Estadu nain 4 sei lori fila fali ba aprezenta ba Primeiru Ministru hodi hetan aprovasaun no orientasaun polítika.

Ekipa téknika ne’e, tuir konkordansia, sei lidera husi tékniku sira SEJD nian.

@copyrigth DNICT-SEJD 2020