Sekretariu Estadu Juventude no Desportu Eng. Abrao Saldanha sai orador iha seminariu FCS-UNTL

By Media DNICT 26 Agostu 2020, 09:54:15 TLs JUVENTUDE
Sekretariu Estadu Juventude no Desportu Eng. Abrao Saldanha sai orador iha seminariu  FCS-UNTL

Fotografia : Sekretáriu Estadu Eng. Abrão Nokosiku Saldanha hato’o palestra iha seminariu ne’ebé realiza husi FCS-UNTL. Imajen//DNICT


DILI-Sekretáriu Estadu Juventude no Desportu, Sua Excellencia Eng. Abrão Nokosiku Saldanha sai orador iha seminariu ne’ebe realiza husi Fakuldade Ciensias Sociais UNTL iha loron-25 fulan-Agostu tinan-2020.

Seminariu ida ne’e UNTL hala’o hanesan parte husi reflesaun hodi komemora loron FALINTIL no loron Konsulta Popular 30 de Agustu ba dala 21. Tema ba seminariu mak “A importância do dias das FALINTIL e Consulta Popular para justifica e recordar as memorias do passado no processo que levou á indepedên nacional.”

Hato’o palestra ho tópiku Governu nia Polítika ba Dezenvolvimentu Juventude, Sekretariu Estadu Abrão Saldanha hatete “Timor-leste ne’ebé uluk fundador Estadu sira harii FALINTIL atu luta ba harii, no Timor oan sira konkista fila fali liu husi referendum iha loron-30 fulan-Agostu tinan-1999, ohin loron país joven nian, ka país dos joven Tamba 75% husi Timor-Leste nia populasaun ho idade menus husi tinan 35.”

Tuir Sekretariu Estadu, persentajen ida ne’e fo ba Timor oan sira opsaun rua mak dezafiu no oportunidade.

“Dezafiu mak oinsa ita atu transforma joven sira nia enerjia, no potensia ne’e sai rekursu iha ita nia rain.” Populasaun joven ne’ebé Timor-Leste iha ne’e oportunidade ida ne’ebé sei sai potensia no bele lori dezemvolvimentu lalais mai Timor-Leste. Joven sira iha aspeitu importante rua mak enerjia no espiritu. Aspetu rua ne’e ingrediente prinsipal husi inovasaun no kriatividade.” esplika Sekretariu Estadu.

Ho realidade demográfika ida ne’e, sekretariu estadu nia serbisu boot ida agora dadauk mak luta ba youth mainstreaming ka luta atu iha abordajen integradu ba kestaun juventude. Ida ne’e ho intensaun atu Timor-Leste labele halo tratamentu ba juventude hanesan seitor ida, maibé tenki trata juventude hanesan kestaun transversal ida.

#FoinSaeMillenialForsaKriativa #DesportuIhaSosiedadenoPrestasaun

EJMG//FBdJ//RM@copyrigth DNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu