Sekretariu Estadu Juventude no Desportu Abrao Saldanha Entrega Xave Kareta ba Presidente CPNTL

By Media DNICT 25 Junhu 2021, 10:04:46 TLs JUVENTUDE
Sekretariu Estadu Juventude no Desportu Abrao Saldanha Entrega Xave Kareta ba Presidente CPNTL

Sekretáriu Estado Juventude no Desportu Eng. Abrão Nokosiku Saldanha entrega xave kareta Mazda Blande ba Presidente CPNTL Sra. Isabel Ruak Ferreira iha sekretariadu CPNTL Ginaziu Desportu Dili (22/06/2021). Imajen/DNICT


DILI- Sekretáriu estadu juventude no desportu sua excellensia Eng. Abrão Nokosiku Saldanha akompaña ho amo capelaun ba ema ho defisiensia Pe. Adrianus Olla, tersa loron 22 fulan juñu 2021 ne’e entrega xave kareta ba Komite Paralimpiku Nasional Timor Leste (CPNTL;sigla Portugês). Presidente CPNTL Isabel Ruak Ferreira mak simu direitamente xave kareta ne’e iha sekretariadu CPNTL Ginaziu Desportu Dili (GDD).

Exelensia Abrão Saldaha hateten orsamentu hola kareta ne’e mai husi orsamentu estadu nian ne’ebé atribui ba CPNTL nune’e sira deside hola kareta hodi apoiu servisu operasional. “CPNTL iha osan tinan kotuk nian hamutuk 60 mil ital. Orsamentu ne’e inklui ona ba operasional ba preparasaun paralimpiku nian, inklui ba kustu sira, operasional lao mantein ba sekertariadu nia funsiona ho funsionariu sira iha sekertariadu CPNTL nian, apoiu ida ne’e liu husi osan ida ne’e sira halo ezersisiu hodi bele resolve sira nia fasilidade,” dehan Abrão Nokosiku.

Governande ne’e dejeju patrimoniu ne’ebé entrega bele uza ho responsabilidade. “iha problema balun ne’ebe hau hare katak laos deit ba CPNTL, iha fatin balun uza osan tranferensia publika ba capital menor sira ne’e, normalmente troka lideransa sasan sira mos lakon total, no laiha relatorio ba ida ne’e, lei iha tiha ona katak sasan estadu nian liu husi transferensia publika ne’e, mesmo osan ne’e konfederasaun nian, husi mekanismo ida ne’e ita bele hatene lolos katak osan estadu ida ne’e uza ba ida ne’e,” tenik Abrão.

S.E enkoraja ba estrutura sira, mesmo iha pandemia nia laran, interesante tebes atu akompana servisu no resultadu husi aktividade ba tinan ida ne’e, hamutuk tau ona katak atu anunsiu no rekruta jogador sira, hakarak los ate iha fim do ano ita iha ona atletas foun balun. Abrão Saldanha husu mos ba CPNTL atu halo kualifikasaun ba atleta paralimpiku nune’e deit maka bele define modelu treinamentu espesifiku tuir rangking liu-liu ba sira nia prestasaun iha rejiaun no mundial.

Enkuantu, presidente CPNTL, Sra. Isabel Ferreira hatete difikuldade no kondisoes husi CPNTL nian ba transporte ne’e no nia rezultadu mak hetan kareta ida ho marka Blande, apoiu husi guverno atraves SEJD rasik, bele tulun CPNTL atu bele organiza nia aktividades sira ho diak liu tan. ” liu-liu iha treinamnetu sira, ba atletas sira, dala barak ita nia atletas sira sa’e transporte publiku, nune’e kustu ba tranporte la iha, ida ne’e mos halo atraza sira nia aktividade, entaun ho fasilidade ne’e bele ajuda ita hodi hakman ba problema ne’ebe CPNTL hetan no federasaun atletas sira hetan, maske ida mais ita uza ho diak ba future nian, kareta ida ne’e sosa ho osan estadu nian no kareta ne’e nia kustu hamutuk Mill 8.200 USD,” dehan Isabel Ferreira.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hare Komentariu Hotu-Hotu

Hakerek Komentariu