DILI-Sekretáriu Estado Juventude no Desportu, Eng. Abrão Nokosiku Saldanha hasoru malu ho dirijentes Komite Paralimpic Nasional Timor-Leste (CPNTL). Sorumutu ida ne’e hala’o iha loron-10 fulan-Fevereiru tinan-2021 iha sala reuniaun Diresaun Jeral Juventude no Desportu SEJD, Lecidere, Dili.

Durante sorumutu, parte rua koalia kona-ba ezekusaun orsamentu CPNTL tinan-2020 no mós planu asaun CPNTL nian ba tinan-2021. Sekretáriu Jeral CPNTL Jose Da Silva Monteiru hatete, Planu ida ne’ebé koalia durante sorumutu mak CPNTL nia planu kona-ba oinsa atu rekruta atleta produtivu sira atu promove desportu iha ema ho desifiensia sira nia leet.

“objetivu reuniuan ohin ne’e iha rua; ida mak halo avaliasaun kona-ba ezekusaun orsamentu CPNTL nian ba tinan kotuk no assuntu segundu mak koalia kona-ba programa sira ne’ebé mak CPNTL atu halo iha tinan ida ne’e nia laran.” dehan Jose Monteiro.

Sekretariu Estadu Juventude no Desportu hatete iha sorumutu ida ne’e, governu, liu husi SEJD, rona preokupasaun lubuk ida husi CPNTL ne’ebé mak sei bele buka dalan apoiu CPNTL hala’o ninia planu sira ho diak ba oin.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021