DILI – Sekretariu Estadu Juventude no Desportu (SEJD), realiza kompetisaun ICT ba Universidade sira hanesan UNTL, UNITAL, DIT, IOB, no IPDC Canosa atu bele kompete iha jogu.

Tuir prezidente komisaun organizadora Martinho Goreti hateten nudar ba eventu kompetisaun ida nee suporta husi SEJD neebe ho orsamentu hamutuk UDS$ 13.090.00.

Tinan ida nee ami SEJD fo fiar mai ami Info Timor para servisu hamutuk hodi halao atividade kompetisaun ICT ba universidade sira hanesan Untl, Unital, Dit, Iob nomos IPDC Canosa,” Dehan P. KO Martino ba Jornalista sira, iha uma tali SEJD Dili, sabado (09/09/2017).

Iha tinan ida nee kompetisaun fahe ba parte ruan mak hanesan ba ensinu sekundariu lima mak tuir mini sertame no ida seluk mak ba universidade lima seluk mak bezea ba dadus neebe ho nia titulu sistema informasaun profile juventude Timor Leste.

Nunee mos Presidente Juri Geronimo Godinho hateten husi Sekretariu Estadu Juventude No Desportu hakarak halo sistema informasaun ida nebe sira rekola nee ho Excel deit, tanba nee mak sira fo fiar ba Info Timor hodi organiza no bolu ekipa de juri para fo avaliasaun ba produtu informasaun ka kria data Base neebe mai husi Universidade sira.

Nia hatutan iha Universidade lima neebe partispa iha kompetisaun nee kada ekipa husi universidade ho sira nia kreatividade hodi kria sistema informasaun ba Profile Joventude nebe bazeia ba Web hodi ekipa jure haree ida nebe diak para sujere ba SEJD hodi bele utiliza no dezenvolve liutan produtu neebe kada ekipa Universiade kria ona.

Ami nia kriteria hodi avalia ba sira nia produtu nee mak ami haree husi parte sira nia prosesu dezeñu grafiku sira, no tamplate i sira nia kreatividade ba dezeñu inklui mos haree hotu ba sira nia seguransa nebe sira kria,” dehan Godinho.

Iha fatin hanesan kompetitor husi universidade UNTL Gligeria Bernardo Quintão hateten kria baze de dadus ne’e laos fasil maibe maibe liuhusi kompetisaun ida nee parte ida bele ajuda sira atu bele hadia no dezenvolve nia konesimentu.

“Hanesan estudante informatika neebe partisipa iha kompetisaun ida ne’e importante tebes tanba liuhosi ida nee ami estudante bele iha konesimetu klean liutan kona-ba teknolojia,” nia dehan. Estajiadu 1

Video Ligasaun: