SEJD preve orsamentu ho montante $ USD 13.504 ba kompetisun pinturas 2019

By Media DNICT 14 Novembru 2019, 12:40:17 TLs JUVENTUDE
SEJD preve orsamentu ho montante $ USD 13.504 ba kompetisun pinturas 2019

Fotografia : Secretario Estado Juventude Desporto Nelyo Issac Sarmento hare direta partisipantes kompetisaun pintura


DILI- Foinsa’e besik nain 80 partisipa kompetisaun pintura ne’ebé realiza iha Secretaria Estadu Juventude Desportu (SEJD) tersa-feira (12/12) ne’e. Kompetisaun ne’e nudar parte ida  hodi selebra loron masakre Santa Cruz ba dala XXVIII no loron Nasional Juventude ba dala XIV. objetivu seluk husi atividade refere mak atu promove kreatividades juventude sira ne’ebe mai ho nia talentu iha arte pintura nian.

Sekretariu Estadu Juventude no Desportu Nelyo Izaac Sarmentu apresia tebes ho animu foinsa’e sira nian hodi partisipa iha kompetisaun refere. Governante ne’e observa direta oinsa foinsa’e sira liu-liu joven feto sira bele kompete ho joven mane sira iha pintura.

Entretantu, Presidente Komisaun Organizadora José Monteiro hateten atividade ne’e fahe ba parte rua dader ba foinsae nain 42 no lorokraik ba pintor nain 43. Nudar José, atividade kompetisaun pintura nebe mak realiza dadaun ne’e preve iha planu aksaun annual 2019 iha Diresaun Nasional Arte Juvenil SEJD ho montante orsamentu inisial $ 9,997.00 USD husi orsamentu bens e servisus. Tamba partisipantes iha indikador ne’e ba deit nain 35 , maibe iha rejistu numero sae ba 85 nune’e hodi responde pantisipantes nain 50 nebe aumenta tenki proposta ida urjentemente adiantamentu ba Sua Exelensia aprova fali ho montante $ 3,507.00 USD kategoria transferensia publika ho nia parseiru maka Arte moris.

Enkuantu, Diretor Arte Cultura iha Secretaria Estadu Arte Cultura Abilio do Santos nebe sai mos juri ba kompetisaun ne’e apela ba partisipantes sira nebe tuir kompetisaun ne’e atu la lakon esperansa ba pinta tamba desizaun painel juri ba deit ema nain neen (6) nebe ho nia pintura diak liu no iha filosofia tuir tema juventude mak futuru, autor ba dezemvolvimentu nasional.

“Se karik alin sira kompetisaun deside katak ema nain neen deit , ita boot sira nebe seidauk hetan premio sei hetan sertifikadu. Husi ekipa juri ami hili ema nain neen, tema nebe deside husi komisaun koalia kona ba dezemvolvimentu juventude nian ne’ebé ita rasik hatene katak ita nia pinturas ne’e refleta duni ka lae.” Dehan Abilio

Partisipantes nebe partisipa kompostu husi feto nain 13 no mane nain 66 ho idade entre 15-24.

 

@COPYRIGHT2019#DNICT-SEJD#




Video Ligasaun:


Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu