DILI- Sekretáriu Estadu Juventude no Desportu (SEJD) Eng. Abrão Nokosiku Saldanha, iha kinta, loron 25 fulan fevereiru tinan 2021, halo enkontru ho Vice Ministru Turismo, Komersiu no Industri (MTCI; sigla portugés), Domingos Lopes Antunes no Diretor exekutivu Institutu Apoiu Dezemvolvimentu Emprezarial (IADE), Filomeno Marcelino Belo. Objetivo sorumutu ne’e MTCI atraves IADE bele koopera hamutuk ho SEJD hodi estimula emprendedorismo sosial ba joven sira. Sorumutu ne’e halao iha sala inkontru SEJD Lecidere,Dili.

Exelencia sekretáriu Estadu nia hanoin mak OGE 2021, SEJD iha planu estimula emprendedorismo sosial ba suku hamutuk 226 , programa hanesan mós MTCI halo, nune’e presiza hare hamutuk metodu sira ba implementasaun. “programa similar ida husi SEJD mak estimula emprendedorismo sosial ba joven sira iha nivel suku, kestaun ida mak maxifikasaun sei iha problema, tamba joven sira foti risku ho ida ne’e mak SEJD bele bo’ok iha nivel kraik para iha mudansa atu nune’e ita bele prepara sira ho sistematikamente liu husi formasaun IADE nian liu-liu prepara planu, oinsa halo planu negosiu no ideia negosiu nian to’o nivel seluk, atu nune’e bele hatene diak liu tan’, dehan sekretáriu estadu Abrão Saldanha.

Iha sorumutu ida ne’e Vice-Ministru MTCI Domingos Lopes hatete alende emprendedorismo agora dadaun MTCI nia plano aumenta mos ho konservasaun ambiental, enkuantu husi parte IADE nian Diretor Exekutivu Filomeno Belo hateten IADE mak halo pakote formasaun ba joven sira iha sentru juventude iha munisipiu to’o nivel postu nomos elabora kalendarizasaun ida atu bele servisu hamutuk ho SEJD hodi kria espasu ba joven sira ne’ebé iha talentu kreatividade ba emprendedorismo nian.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021