SEJD Monitoriza Implementasaun Jinastika Timor-Leste iha Munisipiu Manufahi

By Admin 21 Setembru 2022, 15:38:48 TLs DESPORTU
SEJD Monitoriza Implementasaun Jinastika Timor-Leste iha Munisipiu Manufahi

Manufahi;  Sabdu , loron-17 fulan-09 tinan-2022; Sekretária Estadu Juventude no Desportu  halo monitorizasaun ba atividade Jinástika Timor-Leste iha Escola Sekundária  Cohel Colegio Henriques Leven ne’ebe mak  instruktor nain 3 husi Eskola tuir ona sosializasaun refere iha fulan  Jullú no implementa  ona  ba maluk estudante sira seluk. 


"Diretór  Nasionál Desportu Edukasiona no Komunitária João  Rodrigues   hateten politika SEJD mak halo virajen ba atividade desportu hahu husi nivel baze no atividade  desportu la’os modalidade volleyball, basketball no football deit maibe Jinástika Timor-Leste mos parte ida husi  desportu  tanba  ne’e  tenke  abranje  ba ema  hotu , minimu  semana  ida   oras  2 ou  3 halo  animasaun  hodi halo  atividade  fizika  ba estudante  sira. Dehan Sr.  Diretór


SEJD laos  fasilita  sosializasaun  ba Jinástika Timor-Leste  deit,  maibe  sei akompanha nafatin atividade ne'e hodi sai  hanesan nesesidades ba estudante sira  lor-loron  hodi pratika JINATIL  atu hetan  isin  nebe  diak no saudavel  hodi  partisipa  iha  prosesu  aprendizajen no atividade sira seluk . Iha  monitorizasaun ne’e SEJD mos  fasilita  Aerobic  ba  Estudante, mestri no komunidade sira.
Iha fatin hanesan Adjunto  Diretór  Eskola  Sekundária  Cohel  Jelito  Francisco  hato’o   Agradese  ba  SEJD nebe  mak  sosializa  ona  JINATIL  ba  Escola Secundaria no EBC  sira  liu husi koperasaun ho  Edukasaun  Munisípiu.  Atividade Jinástika Timor-Leste  Cohel  nian realiza iha oras extra kada sabadu  tamba JINATIL importante tebes núdar ezersisiu fiziku saude nian ba ema hotu. Adjunto Diretór  ne'e mos senti  orgulho  tanba  Cohel  nudar eskola foun mos  bele  involve ona iha atividade JINATIL tanba ne'e nia parte husu ba estudante sira atu ativu liu  iha  atividade JINATIL nune'e  bele bok a’an  lo-loron hodi hetan  fiziku  ne'ebé  saudavel.


Michela  Maher  estudante  Cohel  núdar  instrutora  JINATIL  espressa  mos  sentimentu kontenti  tanba  hafoin partisipa  sosializasaun  JINATIL bele fahe ona  esperensia ba maluk estudante  sira seluk  iha  eskola  refere.  Meius  nebe nia uza mak hahu  uluk  ho muzika depois hanorin manual ba  maluk estudante sira nomos kuntinua fila fali  ho muzika JINATIL nian kada  loron  sabadu . 
Iha  Parte  Seluk  Escola  EBC  Cosamar  mos  pratika  atividade  JINATIL  iha  loron  sabado  kada  semana .   Antonio  de  Deus  Professor  Edukasaun  Fizika  no  Desporto  EBC  Cosamar  nudar instructor  JINATIL  mos haktuir  atividade  JINATIL  nudar  ezersisiu  atu  kria  saude  diak  ba  a’an  rasik  tanba ne’e  agradese  wain  ba SEJD  nebe  bele  reativa hikas  JINATIL  .  Antonio  hatutan durante  nee  nia  hanorin  ona  ba  estudante  sira  liu  husi  meius  hahu  ho  manual  no  kuntinua  ba  pratika  ho  muzika  no  nia  progressu  mak  estudante  sira   iha  ona  kunesementu  naton konaba  JINATIL  no  nia parte  mos  prontu  ona  atu  compete  wainhira  iha  kompetisaun  JINATIL  nebe  realiza  husi  SEJD. 


Estudante  EBC Cosamar  Vania  Magno  hato’o  mos  sentimentu orgulho  tanba  bele  partisipa  iha  atividade JINATIL  kada  sabado  oras  extra  nian  nune’e  bele  aumenta  sirkula  ran  iha  isin lolon no  mos  promove  GINATIL  ba  ema  hotu. 


Claricia  de Jesus , Estudante EBC  Cosamar   ida  nudar  mos  instrutora   senti  kontenti  tanba  bele  fahe  talentu  JINATIL  nebe  nia  hetan  iha sosializasaun ba maluk  estudante sira seluk hodi hetan isin ne'ebé  saudavel.  Atividade  JINATIL alende realiza iha  Eskola  Sekundaria  no  EBC  sira , realiza  mos  ba  Funsionáriu  Públiku  sira   Iha  Munisipiu  Manufahi  kada  sexta  feira. Livia




Hakerek Komentariu Iha Facebook

Hakerek Komentariu Iha Account Facebook

Write a comment

iha 5 Komentariu ba informasaun ne'e

Hare Komentariu Hotu-Hotu

Hakerek Komentariu