SEJD loke ofisial kongresu extra-ordinariu FNBTL

By Media DNICT 30 Novembru 2019, 22:20:37 TLs DESPORTU
SEJD loke ofisial kongresu extra-ordinariu FNBTL

Keterangan Gambar : Sekretariu Estadu Juventude no Desportu foto hamutuk ho kongresista FNBTL


DILI – Sekretáriu Estadu Juventude no Desportu (SEJD) Nelyo Isaac Sarmento ofisialmente loke kongresu extra-ordinariu Federasaun Nasional Basketeból Timor-Leste (FNBTL) hodi rezolve dualismu orgaun desportiva basketeból iha Timor-Leste..

Perante kongresista sira Sekretario Estado hatete tinan oin Timor-Leste sai uma-nain ba jogu CPLP guvernu presiza federasaun ida ne’ebé mak ida-de’it , laiha problemas no laiha dualismo atu ajuda guvernu hodi sai uma-na’in ne’ebé di’ak organiza kompetisaun basketeból ba jogu CPLP iha Jullo tinan 2020.

Governante ne’e akresenta katak ho hanoin hirak ne’e governu tenke ajuda ba entidades hotu ne’ebé kria organizasoes ba federasaun basketeból úniku ida deit ne’ebé ohin loron SEJD marka prezensa no loke ofisialmente kongresu extra-ordinariu ba Federasaun Nasional Basketeból Timor-leste no hare katak rezultadu ida ne’e, rezultadu ne’ebé mak loos no rezultadu ne’ebé mak hotu-hotu tenke simu no guvernu rekoñese hanesan organizasaun ou federasaun basket bola ba Timor-Leste.

“Laiha koñesimentu ba grupos ne’ebé mak halo iha fatin-fatin parte Sekretariu Estadu hatene de’it mak Federasaun Nasional Basketeból Timor-leste mak realiza kongresu, tamba ita tenta ona atu halibur mai hotu no tama iha komisaun hodi realiza kongresu ne’e, maibé karik iha estrutura atual maka lakohi marka prezensa atu hamutuk , ne’e tamba sira hakarak kria fali kongesu seluk ne’e demokrasia ne’ebe halo ba, mais guvernu rekonese organizasaun ida de’it.” dehan Nelyo Isaac ba kongresista extra-ordinariu FNBTL iha salaun Garden Beach Pantai Kelapa Dili, Postu Administrativu Dom Aleixo, Munisipiu Dili, Sabadu ( 30/11).

Nudar Nelyo, Federasaun basketeból Timor-leste nia problema la’os foin mak akontese, kuaze tinan rua resin ona, problemas internal nunka iha solusaun, solusaun laiha tamba tuir lei basika desportu kada organizasaun federasaun desportiva sira ne’e iha tinan ha’at ka lima tenke halo ninia kongresu ba asembleia jeral atu aktualiza ninia organizasoes no mos ninia legalidade sira ne’ebé iha no basketeból mak federasoes ida ne’ebe iha inisiu ne’e hari’i deit husi fundadór sira. , atu halo asembleia ida ka halo kongresu ida.

“Bainhira iha kuandu grupos ida ne’ebé mak liu-liu ba maluk sira ne’ebé hadomi basketeból ezize kongresu mós Federasaun Nasional basketeból mós laiha vontade atu tur ho maluk-sira ne’ebé hadomi basketeból ne’e oinsa mak atu kontribui ideias hamutuk hodi ba legaliza tiha ita nia organizasoes basketeból ne’e rasik, iha mos problemas barak iha laran, too sekretariu estadu rasik hodi konvida FIBA rasik mai iha Timor para bele koalia ho grupos rua atu tur hamutuk hodi fo hanoin ba malu, tamba guvernu lakohi haree iha nasaun ida ne’ebé hotu-hotu atu dezemvolve basketeból iha rua, ne’e klaru katak guvernu nein aseita ida ne’e, governu hakarak hare katak iha organizasoes desportivas hotu-hotu ne’ebé mosu iha rai ida ne’e tenke iha ida de’it.” subliña Nelyo.

Sekretariu Jerál FFTL ne’e deskontente ho problema naruk iha orgaun desportiva basketeból tamba-sa mak la organiza kongresu hodi fo solusaun ba kestaun refere. Antes ne'emos observasaun KND nian durante tinan ida deteta orgaun desportu sira balun hanesan klubu, asosiasaun no federasaun balun viola sira nia estatutu rasik. 

“Infelizmente tinan naruk teb-tebes, depois ho tan kongresu husi maluk sira ne’ebé hadomi basketeból eleza tan organizasoes ne’e kerdizer ke iha kestaun barak mosu, agora tamba-sa ne’e mosu, tenke husu ba estrutura federasaun basket bola nian no tamba- sa mak ita lakohi organiza kongresu no tamba-sa mak ita lakohi fasilita, ema hotu-hotu atu nune’e atu tuur para solusiona problema ida ne’e, sa tan fundadores sira ne’ebe maka uluk hari federasaun basket bola ne’e, fundaores sira ne’e mak kontra fali estrutura atual FNBTL signifika katak iha ne’e problemas entermos de organizasoes ne’e iha ona, entaun tenta bolu federsaun basket bola mai tur hamutuk ho sira atu koalia, mais ikus mai konvite la hetan so federasaun basketeból internasional hateten deit katak 30 Novembro iha ona kongresu ba basket bola nian, la hateten katak se mak atu organiza, hanesan guvernu hau sente katak ne’e problema ida, jogador basket bola hein hela, lor-loron sira hakarak hetan espasu ne’ebe diak atu sira pratika sira nia talenta ne’e, se organizasaun desportu ne’e nia problema la hanesan ne’e kerdizer ke la halo sira sai vitima no estadu labele uji buat sira hanesan ne’e, tamba ida ne’e mak ita tenta no komunika ho sira no bolu sira atu koalia hodi tur hamutuk atu eziste lakohi entaun toma iha konkluzaun ida katak estadu iha meios oinsa atu solusiona ba problemas organizasoes ne’e, deside liu husi Komisaun Nasional Desportu (KND) ne’ebe fo mandatu toma konta ba CDTL atu tur hamutuk ho grupos sira ne’ebe kria problemas iha federasaun basket bola atu tur hamutuk ami ho forma komisaun nasional ida atu realiza kongresu no se mak eleitu iha kongresu ne’e ba guvernu ne’e laiha problemas naran katak imi eleze ba no oragnizasaun propria, presidente iha para ajuda guvernu no tulun atu ita hamutuk hodi kria planu ne’ebe diak atu dezemvolve basket bola ne’e. ikus mai guvernu tulun ba komisaun nasional desportu entrega ba CDTL. ”. dehan Sekretariu Estadu.

SEJD apoiu orsamentu $USD 550.00 ba atividade kongresu ne'e. Iha kongersu extra-ordinaria ne’e mos hetan partisipasaun maximu husi kongresista sira ne’ebe mai husi munisipiu hamutuk ho clubu sira nomos komadante PNTL Munisipiu Dili.

 

Hakerek na’in : Fredy

@COPYRIGHT2019#MEDIAGABSEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu