SEJD Loke Formasaun ba Profesores Edukasaun Fizika no Desportu Sira Iha Eskola Sekundariu

By Media DNICT 23 Desembru 2020, 12:26:13 TLs DESPORTU
SEJD Loke Formasaun ba Profesores Edukasaun Fizika no Desportu Sira Iha Eskola Sekundariu

Sekretáriu Estadu Juventude no Desportu, Eng. Abrão Nokosiku Saldanha hato’o hela lia-menon iha abertura ba aktividade formasaun ba manorin edukasaun fízika no desportu siha eskola sekundaria iha Fundasaun Oriente Dili (14/12/2020). Imajen/DNICT


DILI- Sekretáriu Estadu Juventude no Desportu, Eng. Abrão Nokosiku Saldanha halo abertura ba aktividade formasaun ba manorin edukasaun fízika no desportu iha eskola sekundaria sira ne’ebé hala’o iha Fundasaun Oriente Dili iha loron 14 Dezembru 2020. Formasaun ida ne’e hala’o ho objetivu atu hasa’e profesores sira nia konesementu iha area desportu, ne’ebé sira sei implemente iha eskola sira.

Iha ninia diskursu abertura, Sekretariu Estadu hatete katak prosesu ida ne’e hola parte iha polítika 'Desportu iha Sosiedade no Prestasaun' ne’ebé mak ho intensaun atu haboot desportu nia baze. “Ho formasaun ida ne’e, ita halo virajen atu haboot desportu iha baze ne’ebé mak fahe ba parte boot rua; desportu iha komunidade no desportu iha eskola sira,” Sekretariu Estadu esplika. Formasaun ba profesor sira ne’e fokus ba desportu iha eskola sira.

Sekretariu Estadu mós hatete katak importante tebtebes ba programa formasaun ida ne’e atu tama iha planu no programa INFORDEPE nian, nune’e governu bele regularmente fo formasaun ba profesor sira iha area edukasaun fízika no desportu. Formasaun ida ne'e sei hala'o durante semana ida hodi kompleta semana rua atividade formasaun ba manorin adukasaun fizika no desporto.ne'ebe realiza  tiha ona ba manorin ensinu baziku sira iha loron 30 novembro – 04 Dezembro 2020.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hare Komentariu Hotu-Hotu

Hakerek Komentariu