SEJD Lidera Reuniaun Dahuluk Komite Kordenasaun Desportu Eskolar

By Media DNICT 26 Agostu 2020, 08:19:54 TLs DESPORTU
SEJD Lidera Reuniaun Dahuluk Komite Kordenasaun Desportu Eskolar

Sekretáriu Estadu Eng. Abrão Saldanha lidera reuniaun dahuluk komite desportu eskolar ne’ebé loke husi Ministru Edukasaun, Juventude no Desportu Dr. Armindo Maia iha sala reuniaun SEJD Lecidere. Imajen//DNICT


DILI- Sekretariu Estadu Juventude no Desportu, Eng. Abrão Saldanha lidera reuniaun dahuluk Komite Kordenasaun Desportu Eskolar , tersa 25 Agostu 2020 iha sala reuniaun SEJD Lecidere,Dili.

Reuniaun ne’e partisipa husi diretor jeral, diretor nasional no diretor munisipal sira ne’ebé relevante ba asuntu desportu eskolar husi ministeriu Edukasaun, Juventude no Desportu ho Sekretaría Estadu Juventude no Desportu. Reuniaun ida ne’e loke husi Ministru Edukasaun, Juventude no Desportu Dr. Armindo Maia.

Sekretariu Estadu Abrão Saldanha hatete objetivu reuniaun ne’e atu kordena aktividade no sistema desportu eskolar iha Timor-Leste.

“Ne'e aliña ho vizaun polítika ne’ebé mak hau lori mai asumi kargu nu’udar sekretariu estadu juventude no desportu atu lori desportu ba sosiedade no haboot desportu iha baze. Baze importante ida iha ita nia sosiedade mak eskola sira,” Sekretariu Estadu esplika.

Governante ne’e hatutan sei iha kestoins lubuk ida mak presiza governu atu tau matan, hanesan infrastruturas, rekursus umanus, ekipamentus ba hala’o desportu eskolar ho diak.

“ Importante mak tenki iha levantamentu dadus ida diak kona-ba rekursu desportivu sira hotu ne’ebé mak eskola sira iha atu governu bele hetan ideia diak ida kona-ba saida mak governu iha ona, no presiza atu halo tan iha ámbitu desportu eskolar,” dehan S.E Abrão

Desportu eskolar la’os deit ajuda estudante sira sai ativu liu no hatudu sira nia talentu desportivu, maibé mós sei ajuda hadiak prestasaun Timor-Leste nia desportivu iha rai laran no iha rai liur.

 

#FoinSaeMillenialForsaKriativa #DesportuIhaSosiedadenoPrestasaun

EJMG//FBdJ//RM@copyrigth DNICT-SEJD 2020




Hare Komentariu Hotu-Hotu

Hakerek Komentariu