SEJD lansa training center (TC) ba atleta Sea Games manila
SEJD lansa training center (TC)

By Admin 29 Agostu 2019, 14:39:14 TLs DESPORTU
SEJD lansa training center (TC) ba atleta Sea Games manila

Fotografia : SEJD LANSA TRAINING CENTER (TC) BA ATLETA SEA GAMES MANILA


GLENO, 20 AGOSTU 2019 – Sekretariu Estadu Juventude no Desportu (SEJD), Nelyo Isaac Sarmento akompana hosi Prezidenti CDTL, Afranio Xavier Amaral no eis Sekretariu Estadu Alta Kompetisaun, Osorio Florindo ho Prezidenti Autoridade Munisipiu Ermera, Jose Martinho dos Santos Soares ho deputadu balun hosi Parlamentu Nasional halo lansamentu ba training center (TC) atleta Timoroan sira ne’ebe sei compete iha SEA Games Manila, Filipina, 30 Novembru to'o 11 Dezembru 2019.

Hamutuk iha modalidade 12 ne’ebe sei compete iha SEA Games Manila. Modalidade sira ne’e maka Futebol, Atletismu, Karate, Taekwondo, Pencak Silat, Natasaun, Tiru, Tenis, Hiit Besi, Siklismu, Volley Praia no Boxe.

Alende ne’e, SEJD mos atribui premiu ba atleta sira ne’ebe durante ne’e hamorin naran Timor-Leste iha kompetisaun internasional.

Atleta sira ne’ebe simu premiu ne’e maka Teofilo Freitas ho osan US$ 100,000 tamba hetan osan mean rua no memecahkan rekor Asia iha modalidade atletismu wainhira compete iha Asian Para Games Jakarta 2018. Alende atleta ne’e, nia treinador Cesaltina mos simu osan hosi governu ho montante US$ 30,000.

Nafatin iha Asian Para Games 2018, iha modalidade tenis da meza, atleta Pasquela Dos Santos Pereira ne’ebe hetan medalla osan metan 1, governu fo osan US$ 10,000.

Alende sira nain rua, iha kompetisaun SEA Youth Athletic Championship Bangkok 2018, atleta Timoroan nain 4 ne’ebe compete mos simu premiu osan hosi governu. Atleta sira ne’e maka Angela Freitas de Fatima Araujo simu premiu osan ho valor US$ 6,000 tamba nia esforsu hetan medalla prata 3.
Manuel Belo Amaral Ataide simu US$ 2000 (bronze 2), Octavia Manuel Soares US$ 1,000 (Bronze 1), Roberto Belo Amaral Soares US$ 3,000 (bronze 1 ho prata 1).

Nune’e mos selesaun nasional futebol Sub-22 Timor-Leste ne’ebe sai kampiaun iha Copa Sultan Hassanal Bolkiah 2018, simu osan kuaze US$ 26 mil resin.

Osan ne’ebe governu fo ba ne’e sei kua taxa 10% wainhira simu osan.

@COPYRIGHT2019#MEDIAGABSEJD#




Video Ligasaun:


Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu