SEJD komemora loron Internasional juventude iha Ermera
Loron Internasional juventude

By Admin 29 Agostu 2019, 14:41:25 TLs JUVENTUDE
SEJD komemora loron Internasional juventude iha Ermera

Fotografia : S.E Sr.Nelio Isaac Sarmento


GLENO, Munisipiu Ermera (12/08/2019) - Sekretariu Estadu Juventude no Desportu, Nelyo Isaac Sarmento ho nia funsionariu tomak ba komemora loron internasional Juventude ba dala XX ho “Edukasaun Transformativu” iha kampus ETCI-Ermera.

Iha nia diskurursu, Sekretariu Estadu Nelyo Isaac Sarmento hateten ba joven sira katak ho transformasaun pensamentu no transformasaun hanoin ho edukativu ba selebrasaun loron ida ne’e importantes tebes ba joven sira nia moris, tamba loron ne’e, iha mundu tomak foti hanesan loron internasional ba juventude, tamba iha tinan XX liu ba iha Lisboa, Portugal atu nune’e mundu bele fo atensaun ba joven sira.

“Objetivu prinsipal ba joven sira mak atu kaer metin fo atensaun ba aktividade ne’e, hodi reafirma fila fali ba komitmentu hodi kore joven sira nia moris independente ba moris livre, hodi bele kontribui ba loron juventude ne’e,” dehan sekretariu estadu.

Ho maioria Munisipiu Ermera ne’ebe nia populasaun maioria ho idade jovem, persiza duni tau atensaun makas ba edukasaun. Edukasaun, laos hare deit parte formal nian. Maibe, edukasaun mos tenki hahu hosi uma laran, oinsa hanorin labarik sira, inklui labele bandu labarik sira atu ba eskola.

Tamba ne’e, hare hosi parte formal nian, politika estadu nian ba jovem mak oinsa fo edukasaun formal ba jovem Timoroan sira atu bele bele aumenta joven sira nia kapasidade hanesan tuir formasun kursu akademika nian, asesu livrus, no sel-seluk tan.

“Parte naun formal nian mak fo formasaun ba hakiak nian, fo formasaun ba teniku nian atu responbaliza dezafiu hirak ne’e, tamba Timor oan sira barak mak halo kompetisaun ba organizasaun internasional sira liu husi edukasaun naun formal nian,” dehan Nelyo Isaac Sarmento.

Seremonia komemorasaun loron mundial juventude nian ne’e mos fahe sertifikadu ba manan nain sira ne’ebe partisipa iha kompetisaun hanesan diskursu publiku, sertame, no mos dansa cultura.

Ba manan nain diskursu publiku mai husi Eskola Secundaria sira hanesan primeiru lugar Elderito Pinto Salsinha, Nelia D, S, Mouzinho (2), Feliciano Martins (3), Tome de Deus (4).

Ba sertame nian sai primeiru lugar mak eskola sekundaria STV. Gisarudu, Escolar Secundaria Mau-Cruma ” Helio Pina” (2), STV Ernesto Fernandes ”Dudu” (3), no STV Raicala (4).

Manan nain hosi kompetisaun dansa kultura ho grupu sira mai husi suku. Primeiru Lugar Suku Leguimeia, Suku Lauala (2), STVJ Fatuquero (3), no Rai-Mean B ho Fatuquero (4).

Hola prezensa ba komemorasaun ne’e Presidente Autoridade Munisipiu Ermera, Jose Martinho dos Santos Soares, reprezentante ONU, autoridade seguransa PNTL ho F-FDTL Munisipiu Ermera, estudante ETCI, no funsionariu SEJD.

@COPYRIGHT2019#MEDIAGABSEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu