DILI- Diretor Jerál Juventude no Desportu iha SEJD, David Tomas de Deus halo abertura ba kompetisaun basketból kadeira roda ba ema ho defisiensia, iha loron-26 fulan-Novembru tinan-2020 iha kampu basketból, SEJD, Lecidere Dili. Marka mós prezensa iha abertura ne’e Prezidente Konfederasaun Desportu Timor-Leste (CDTL) Afranio Xavier Amaral.

Diretur Geral Juventude no Desportu agradaese ba komisaun organizadora ne’ebé realiza eventu Basketból kadeira roda ne’e hanesan parte husi selebrasaun loron proklamasaun independensia 28 Novembro tinan ida ne’e no loron mundial ba ema ho defisiensia ne’ebe monu iha 03 dezembro.

“SEJD komprometidu atu apoia aktividade desportu sira hotu, tantu ba ema ho defisiensia no mós naun-defisiensia, atu atleta sira bele expresa sira talentu, no promove inkluzividade atu enkoraja ema hotu involve ativamente iha prosesu dezemvolvimentu nasional,” Diretor Jeral ne’e esplika.

Atividade kompetisaun basketból ida ne’e parte husi eventu Seman Juventude ba ho Defisiensia.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020