SEJD, FFTL no LFA deskute futuru liga

By Media DNICT 11 Marsu 2020, 12:48:04 TLs DESPORTU
SEJD, FFTL no LFA deskute futuru liga

Fotografia : Sekretario Estado Juventude Desporto Nelyo Isaac, enkontro hela ho FFTL no LFA kona-ba futuru Liga nian


DILI– Federasaun Futeból Timor Leste (FFTL) no Liga Futeból Amadora (LFA) realiza reuniaun hamutuk ho Sekretáriu Estadu Juventude no Desportu (SEJD) hodi deskute futuru liga iha Timor Leste.

Sekretáriu Estado Juventude no Desporto, Nelyo Isaac Sarmento hateten guvernu bolu federasaoes futeból no mos LFA atu diskute no halo diskusaun hodi buka mekanismo ne’ebé diak ba epoka tuir mai.

“Ita hotu hatene katak foin lalais ne’e organizasaun futeból mundial (Fédération Internationale de Football Association – FIFA) mai hare ba mudansas iha Timor-Leste inklui fo oportunidades ba SEJD konsege hasoru duni ho reprezentante FIFA, no FIFA rasik rona kona-ba liga no ikus mai fo konkluzaun ida katak husi parte SEJD tenke konvoka reuniaun ida ho Liga no FFTL hodi partillla onestemente ba malu kona-ba dezemvolve futeból ba oin, infelizmente husi parte FFTL no LFA fo ideias ne’ebe kapas, tamba publiku nia interpretasaun katak liga ne’e guvernu nian ate to’o internasional mos dehan katak liga ne’e guvernu mak realiza duni, mais iha realidade katak federasaun futeból Timor-Leste mos faz parte ba liga ne’e, entermos de apoiu maibe mekanismu balun maka seidauk profesionaliza ho diak, entaun parte husi FFTL no LFA sira tenke tur hamutuk fali atu organiza fali ba orgaun liga ne’e ho didiak atu nune’e liga ne’e ba ita hotu-hotu nian, laos guvernu nian no laos LFA nian no LFA ne’e buat ketak ida no mos FFTL laos buat ketak ida, maibe liga ne’e ita hot-hotu nian, entaun iha ne’e mak entendementu mak klaru no define klaru para ita lao normal fali,” dehan S.E Nelyo (10/03).

Governante ne’e hatutan, entermos independente atu organiza eventus ne’e labele akontese ho misturasaun husi parte sira seluk, mais realidade lae, LFA ne’e faz parte husi FFTL nia okos no federasaun mak superviziona hela no iklui apoiu teknika, iha kestoes koordenasaun ne’e mak dala ruma halo dezentendementu.

“Guvernu iha ne’e pronto deit atu apoiu ba aktividade futeból liu-liu liga tenke lao ho finansiamentu ne’ebe guvernu prepara ne’ebé agora ne’e intendementu tuir sistema standarizasaun FIFA nian katak LFA ho FFTL tenke tur hamutuk, kolabora hamutuk, buka mekanismu ne’ebe diak atu bele organiza tan liga ne’e ho standar ne’ebé mai husi organizasaun futeból mundial FIFA nian. Guvernu laos entrega LFA ba FFTL, maibe integra ne’e atu liga ne’e sei diak liu tan no integra iha federasoes no bele sai hanesan orgaun ida ne’ebe iha federasoes nia okos para nune’e katak FIFA hare katak organizasoes liga ne’e organiza husi FFTL nia apoiu ba entidades hotu-hotu, laos dehan fali lia fuan “integra katak atu integra a’an ba FFTL no “entrega” ne’e katak fo on aba FFTL no guvernu lao ses ona, no guvernu hatene katak kualker dezemvolvimentu futebool tenke hetan apoius husi Guvernu, ne’ebe entrega pasti la lao ou mate fatin tamba fonts finansiamentu ida deit, entaun orsamentu ne’e ita asegura no guvernu iha fatin no kondisoes atu apoiu, maibe integra iha mahon husi FFTL nia okos “ akresenta Nelyo.

Entertantu, Presidente Federasaun Futeból Timor Leste (FFTL) Fransisco Jeronimo hateten husi parte Federasaun Futebool Timor-Leste hetan konvite husi SEJD atu mai hasoru malu SEJD ho LFA atu hare hamutuk ba no tau hanoin hamutuk oinsa maka lori futeból ne’e ba oin.

“Ida ne’e maka ami mai iha ne’e no ami federasaun futebool Timor-Leste nia pozisaun ma kami nakloke no hakarak koopera ba parte hot-hotu atu nune’e bele futebool Timor-Leste ne’e laos nain deit mak FFTL maibe nain ne’e mai husi povu Timor tomak mak nain ba federasaun futebool ne’e. Resultadu positivu tamba husi parte tolu hare kestoens sira ne’e, mais iha nivel nasional ba statutu, tekniku no informa ba malu, halo nusa mak bele integra parte rua iha mahon federasaun ninian “ hateten Fransisco Jeronimo.

Enkuantu, Presidente Liga Futeból Amadora (LFA) Nilton Gusmão iha nia entrevista ba jornalista sira katak sei deside iha tempu badak.

“Husi parte LFA ne’e kabe ba membrus LFA nian katak membrus LFA nian ita hatene mak klubus sira no ami sei organiza halo kongresu iha tempu badak maibe depois mak deside no toma desizaun iha ne’eba, iha parseria LFA no FFTL lao normal desde uluk kedas no FFTL fo kontribuisaun boot ba aktividade liga nian liu-liu iha epoka ida foin liu ne’e ate subsidiu orsamentu balun, maibe agora ita hakarak hare ida dook liu ne’e, maibe LFA tenke sai nafatin hanesan orgaun independente ida atu organiza aktividade” dehan Nilton Gusmão

Hakerek hosi: Frederico de Jesus

Editor: Domingos C. Mendonça

COPYRIGHT@2020#MEDIAGABSEJD#




Hakerek Komentariu Iha Facebook

Hakerek Komentariu Iha Account Facebook

Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu