SEJD Esplika Servisu CRAM ba PR Lu-Olo
Sekretariu Estadu Juventude no Desportu (SEJD)

By Admin 22 Julhu 2019, 00:44:26 TLs CRAM
SEJD Esplika Servisu CRAM ba PR Lu-Olo

SEJD Esplika Servisu CRAM ba PR Lu-Olo DILI (22/4/2019)

– Sekretariu Estadu Juventude no Desportu (SEJD), Nelyo Isaac Sarmento hamutuk ho estrutura Comissao Reguladora Arte-Marsiais (CRAM) hasoru malu ho Prezidenti Republika (PR), Francisco Guterres “Lu-Olo” hodi esplika papel no servisu CRAM nian durante ne’e. Iha hasoru malu ne’e, Nelyo Isaac Sarmento ba jornalista sira hateten, PR Lu-olo mos fo openiaun diak ba CRAM, nune’e mos reforsa tan, oinsa mak CRAM bele kbiit liu tan no iha vontade foun atu servisu hodi hare’e ba problemas sira ne’ebe maka akontese iha Timor-Leste. Relasiona ho aktividade arte marsiais, sekretariu estadu ne’e informa, presidente preokupa buat lubuk ida liu-liu presidente koko uluk, lei, ita iha lei no buat hotu-hotu ladiak no problema ne’e saida, iha lei tiha maibe implementasaun laiha, ou implementasaun lei mak ladiak ou ema toma konta ka kaer lei mak ladiak ka, ida ne’e presidente mos preokupa. Tamba ida ne’e mak presidente ideias mai, no ideias mai ne’e rua, ida ita bele resolve asuntus politiku, rua oinsa mak hare ba lei ne’e, entaun ida ne’e maka ami halo diskusaun ho presidente ita boot sira hatene katak presidente sempre preokupa ho problemas hotu-hotu liu-liu ba krimes hotu ne’ebe akontese iha ita nia rain, ida ne’e maka presidente husu. “Se ita iha tiha ona, lei ne’ebe forte, tamba sa mak implementasaun lei ne’e, tamba sa mak implementasaun ne’e fraku hela, tamba sa mak involvemento arte marsiais sei barak hela, policia atuasaun, maibe depois uza ema sira ne’e, nune’e mos lei iha mais arte marsiais sei nafatin, entaun hanesan ne’e presidente preokupa tenke resolve no problemas ne’e oinsa, hanoin katak saida maka CRAM hato’o presidente katak aseita ho rekomendasoes sira ne’ebe maka CRAM apresenta ba presidente, maibe hanesan presidente hateten katak depois presidente sei tur no desisoes ikus ne’e sei fo fila fali ba governo atu hare took kona-ba arte marsiais tolu (3) ne’e,” dehan Nelyo Isaac Sarmento, Segunda (22/4/2019), iha Palasiu Presidensial Aitarak Laran, Dili. Hosi relatoriu servisu ne’ebe CRAM iha, iha rekomendasoes husi CRAM nian mak, laiha razoens ida neste momento atu fo oportunidades ba arte marsiais 3 (PSHT, IKS no KORK) ne’ebe taka ne’e atu loke fila fali, Segundu tenke foti desisoes ne’ebe klaru ba orgaun instituisaun estado ida ne’ebe involve direitamente iha arte marsiais ne’e ho sansoes. “Rekomendasoes sira ne’e hotu CRAM hato’o ba presidente bazeia ba faktus ne’ebe involve, ita boot sira hatene katak arte marsiais laos problemas iha ne’e laos tolu (3) ne’ebe halo krime ba arte marsiais, buat ida ne’e mak ita preokupa liu tan, entaun rekomendasoes inti husi CRAM nian mak tenke implementasaun lei no 5/2017, tamba presidente mos preokupa ho ida ne’e, se ita nia lei ne’e forte, tamba sa mak sei akontese hanesan ne’e, ita kaer tribunal liberta, depois iha nafatin treinu subar-subar, lei iha ona treinu subar-subar,” dehan sekretariu estadu ne’e. CRAM hari’i ho objetivu mak atu regularija Organizasaun Arte Marsiais nia hahalok ka komportamento atu kumpri Lei no kontinua mantein ba paz, estabilidade hodi garantia dezenvolvimento nasional nebe’e sustantabel, Integrado, períodiku no ekuilibradu iha aspeitu hotu. CRAM Nasional Timor-Leste servisu tuir lei no.10/2008 dia 16 de Julho. CRAM nia servisu mak atu regula Arte Marsiais hotu iha Timor-Leste nebe’e konseidera nudar patrimonia estadual hodi pratikaArte Marsiais iha fatin hanesan clube ka eskola no iha fatin publiku sira seluk iha rai laran. Misaun KRAM nia mak Hala’o tuir lei no.10/2008, no plano assaun annual mak hanesan tuir mai ne’e: 1. Dezaminasaun lei arte marsiais no. 10/2008 ba organizasaun arte marsiais hotu no komunidade em geral; 2. Halao tuir politika da secretaria de Estado ba Juventude no Desportu liu husi plano asaun annual tinan-tinan nian; 3. Promove Unidade, Estabilidade ba sidadaun juvinil liu husi dezaminasaun, sensabilizasaun, seminar, dialogo no debate ba foin sa’e sira nebe’e mak pratika Arte Marsiais iha teritorio tomak; 4. Asigura Politika no entrese Estado no povu Timor- Leste nian; 5. Kontinua promove paz, harmonia liu husi Edukasaun civika ba sosiadade ampla no Cidadaun Juvinil sai hanesan tarjeto, objeto no sujeito ba denzenvolvimento Nasional.




Video Ligasaun:


Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu