SEJD Asina ASH ho Centru Juventude no Organizasaun Parseiru 19

By Media DNICT 19 Agostu 2020, 13:29:43 TLs JUVENTUDE
SEJD Asina ASH ho Centru Juventude no Organizasaun Parseiru 19

Fotografia : S.E Abrão Nokosiku Saldanha asina ASH ho sentru Juventude no organizasaun parseiru sira iha sala reuniaun SEJD Lecidere Dili, kuarta 19 agostu 2020 Imajen//DNICT


DILI- Sekretáriu Estadu Juventude no Desportu (SEJD) Abrão Nokosiku Saldanha asina Akordu Servisu Hamutuk (ASH) ho sentru Juventude no organizasaun parseiru sira iha sala reuniaun SEJD Lecidere Dili, kuarta  loron 19 agostu 2020.

Apoiu parseiru ne’e mai husi fundu operasional ne’ebé durante ne’e estadu kompremetidu hodi apoia no dezemvolve sentru juventude no parseiru organizasaun ne’ebé tulun guvernu iha área juventude nian.

S.E Abrão Nokosiku Saldanha hatete ho asina ASH ne’e bele funsiona hikas organizasaun parseiru no sentru Juventude sira hodi implementa atividade ba apoiu foin-sa’e sira nian.

“Sentru Juventude no organizasaun parseria hamutuk 19 ne’ebe ohin marka prezensa iha asina ASH ne’e, no ohin aproveita iha interajen primeiru ho parseiru sira ne’ebé hau fo hatene ba sira katak programa atu halo hamutuk mak iha área juventude no programa ne’e refleta vizaun foin-sa’e milenial, forsa kriativa,” dehan Abrão Nokosiku.

S.E Abrão hatutan iha nia mandatu sei maximiza sentru sira sai fatin expresaun joven sira nian hodi kanaliza sira nia potensia atu dezemvolve no kore-aan husi problematika joven sira nian.

“ Ida seluk maka oinsa atu interkambio , sensibilidade ba regionalismo ne’ebé ita iha no kuda espiritu patriotismo no nasionalismo hamutuk ho parseiru sira. Ida seluk mak mudansa pensamentu ka hanoin kona-ba problema joven mak problematika atu oinsa mudansa hanoin jovens sai solusaun ne’e liu husi programa sira no oinsa apoiu joven sira iha vida emprendedorismo no fo solusaun ba problema sosial sira, ida ne’e mak inisiativa diak liu ba joven sira iha area juventude, ” tenik Sekretáriu Estadu. 


#FoinSaeMillenialForsaKriativa #DesportuIhaSosiedadenoPrestasaun 
FBdJ//RM @copyrigth DNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu