SEJD Abertura Jogu Fronteira ba dala III iha Munisipiu Bobonaru

By Media DNICT 18 Novembru 2019, 12:43:15 TLs DESPORTU
SEJD Abertura Jogu Fronteira ba dala III iha Munisipiu Bobonaru

Fotografia : Secretario Estado Juventude Desporto Nelyo Isaac, Presidente Autoridade Municipiu Bobonaro no Wakil Bupati rai Belu ho nia komitiva simu tocha husi jogador sira


BOBONARO - Sekretáriu Estadu Juventude no Desportu (SEJD) hamutuk ho Diretur Jeral SEJD, Diretur Nasional Desportu no Presidente Autoridade Munisipiu Bobonaru no mos reprezentante Adjuntu Administrador Belu NTT abertura ba jogu Fronteira ne’ebe halao iha estadion Malibaka Yamato Maliana.

Jogu Fronteira ne’e hodi hametin amizade entre rai sira nebe hela iha liña fronteira através jogu ho modalidade tolu (3) hanesan, futeból, voliból feto- mane, Basketeból feto- mane.

Iha diskursu Sekretáriu Estadu Juventude no Desportu Nelyo Isaac Sarmento hateten jogu fronteira ne’e ho objetivu principal rua deit. 

”objetivu principal mak ne’e atu hametin ita nia relasaun hanesan ema iha liña fronteira liu-liu hametin relasaun amizade metin iha liña fronteira ne’e. tamba sidade fronteira mak ligasaun ba malu ba maluk sira iha Indonesia nia parte no Timor-leste nia parte, tamba ida ne’e naran Timor hotu, signifika katak atu kria relasaun ne’e sai ida deit, entaun jogu fronteira ida ne’e hanesan meios ida, atu hametin nia relasaun amizade ida ne’e, tamba ne’e mai husi rekomendasoes hirak ne’e mak uluk bolu dehan Komisaun Amizade no Verdade, ne’ebe rekomenda mai no preokupasaun ne’e metin liu tan no aktividade sira hanesan ne’e ita habadak liu tan iha liña fronteira ne’e. Objetivu principal daruak maka fo oportunidades ba munisipiu tolu iha Timor-leste ninian maka Bobonaru, RAEOA, Covalima, atu prepara atleta ne’ebe diak wainhira kompetisaun nasional bele reprezenta munisipiu sira ne’e ba iha kompetisaun nasional nian, nune’e mos iha sidades husi parte Indonesia nian maka Belu, Kefa, Malaka, atu sira mos iha atleta ne’ebe diak no loron ruma sira reprezenta sira nia provinsia hodi ba kompete ba aktividade nasional sira iha Indonesia ne’eba, protanto ita hotu-hotu iha oportunidades hanesan entere nasaun rua liu-liu ba sidades sira ne’ebe hela iha lina fronteira ne’e, ida ne’e mak principal liu, entaun ba Covalima, Bobonaru no RAEOA, hakarak hateten ba atletas sira maka oportunidades atu sai atltes sira karik hahu hanesan ne’e, prepara a’an didiak no labele lakon esperansa keta aban bain rua ita boot sira sai atletas karik hodi reprezenta ita nia nasaun hodi tuir jogus internasionais sira, ne’ebe labele lakon oportunidades, ita espera katak jogus fronteira ida ne’e sai hanesan agenda importante ba nasaun rua ne’e, liu-liu provinsia Nusa Tenggara Timur (NTT) ho munisipiu Timor nian atu sai hodi joga tuir kada ano bele halo aktividades sira hanesan ne’e, atu nune’e imi sira ne’ebe atletas sira bele aumenta imi nia kapasidade ba jogus ida ne’e, laos ita kontra inimigus ida ne’ebe atu manan deit maibe jogu ida ne’e laiha inimigus, importante ba ita maka atu hametin ita nia amizade entre atletas ne’ebe mai husi NTT no mos entre Timor-Leste”. dehan Sekretáriu Estadu iha abertura jogu fronteira 2019 iha munisipiu Bobonaru Sexta, loron 15/11.

Abertura jogu fronteira datoluk iha municipiu Bobonaro ne’e marka mos atleta sira rai rua nian, representante autoridade Nusa Tenggara Timur nian, Presidente Autoridade Munisipiu Bobonaru, Xefe Suku, PNTL no F-FDTL, nomos populasaun Maliana ne’ebé asiste jogu refere.

 

Hakerek na'in no foto : Frederico de Jesus 

@COPYRIGHT2019# PHOTOCREDIT#MEDIAGABSEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu