MALIANA-Sekretariu Estadu Juventude Desportu (SEJD) preve orsamentu ho montante US$ 23,983.25 ba atividade konsertu muzika iha liña fronteira Sesta-feira (15/12) iha Kampu Ginaziu Maliana.

Diretur Nasional Arte Juvenil SEJD Saturnino Sarmento hateten konsertu musika ne’e nudar parte ida hodi anima partisipantes sira ne'ebé partisipa iha atividade jogu fronteira ba datoluk iha municipiu Bobonaro.

Nudar Saturnino, kosertu muzika ho tema Halibur Hamutuk Hananu ba Dame ne’ebé mak realiza  ne’e preve iha planu aksaun annual 2019 iha Diresaun Nasional Arte Juvenil ho montante orsamentu inisial US$ 19,983.25 husi orsamentu transferensia públika ba atividade konsertu iha Batugade iha fulan Agostu, maibe relasiona ho jogu fronteira nune'e adia fali ba fulan novembru no SuaExelensia aprova tan orsamentu adisional ho montante US$ 3,000.00 kategoria transferensia públika ho nia parseiru maka Grupu Muzika CLAN.

Banda Muzika ne'ebé anima populasaun Bobonaro no partisipantes iha jogu fronteira ne'e mak X-CRUZ, KLAMAR, CTWORLD, ADORA TIMOR, ARTI-VIST no grupu muzika husi Nusa Tenggara Timur (NTT) GORIS SURI AND FRIEND. Konsertu muzika ne'ebé sei remata iha 21 Novembru ne'e harame mos ho grupu muzika lokal munisipiu Bobonaro nian.

@COPYRIGHT2019#DNICT-SEJD#