Fotografia : S.E Nelyo Isaac konversa hela ho partisipantes formasaun Ospitalidade iha ETDA

Dili-Sekretaria Estadu Juventude no Desportu (SEJD),Nelyo Isaac Sarmento husu ba Joven sira aprende bebeik tanba Servisu ba ita nia estadu laos funsionariu publiku deit maibe setor hotu.

Nudar Nelyo Isaac, Timor oan hotu-hotu toman ona ho abito ida katak servisu atu fo asistensia ba ema, hanesan servisu ida ne’ebe mak figura tebe-tebes iha rai ne’e, atu atende ema ne’e sei husu tan. Konseitu ida ne’e tenke hasai husi ema Timor oan, tamba buat ne’ebé ita konsidera hanesan atan maibe ita lasente automatikamente nia fo benefisiu mai ita ema ne’e.

“Ita nia problemas ne’ebé boot iha ita nia nasaun mak oinsa atu muda hanoin sira ne’e, tan hanoin ne’ebé sustentavel iha vida ekonomiku povu Timor ninian, Timor oan hotu-hotu iha vontade no nia hakarak hetan oportunidade atu hetan servisu, maibe saida mak iha kakutak ne’e mak servisu ne’ebé diak liu ba estadu mak funsionariu publiku, konseitu ida ne’e mak hau dehan ba joven sira hasai lia fuan ne’e iha imi nia kakutak. Tamba servisu ba ita nia estadu laos funsionariu publiku mak foti desizaun maibe setor hotu-hotu mos ita bele moris, importante iha ne’e mak dignidade.” dehan governante ne’e iha nia diskursu enseramentu formasaun ospitalidade ba juventude hamutuk ema-nain 40 husi munisipiu Viqueque, Covalima, Manufahi, no RAEOA-Oecusse, Kinta (12/12).

Orsamentu ba atividade refere mai husi diresaun nasional Juventude SEJD nian iha transferensia publika hamutuk $US 37,860.00 ho adisional $US 2,036.00 ho nia parseiru mak ETDA. Sekretariu Estadu enkoraza foinsae sira kontinua iha vontade buka hatene tamba sei benefisia se hakarak realiza hodi kompete iha merkadu traballu.

“Ohin ita boot sira termina formasaun iha ETDA, klaru katak formasaun ida ne’e iha nia vantagen lubuk ida ba ita boot sira, katak buat sira ne’ebe imi seidauk hatene bainhira imi tama iha ne’e komesa imi hatene ona. Tenke toman no aprende bebeik no aprende ne’e mos ema ida-idak nia karakter, maibe liu-liu mak ne’e imi sira husi munisipiu fila fali ba imi nia fatin karik hau orgulho tamba imi rasik mak jere no atende iha imi restaurante rasik no oinsa mak hamnasa no oin midar ba ema, bainhira ema atu sentiment ho ita no simpatia ho ita no oinsa atu simpatia ho nia, no oinsa halo kontente ho ema sira ne’ebe mai iha ita nia restaurant ne’e, iha formasaun ne’e atu prepara joven sira atu komtepe iha mercadu traballu, liu-liu ba joven sira ne’ebe hakarak servisu iha nasaun estranjeiru hanesan Korea, Australia no nasaun sira seluk mos labele haluha ita nia nasaun nia dignidade, tamba joven sira mak ita nia futuru nasaun nian.” dehan Nelyo Isaac.

Entertantu, estudante Elsa Teresa Ramis husi munisipiu Viqueque ne’ebé tuir formasaun iha area Barista apresia tebes ho formasaun durante fulan tolu ne’ebé nia tuir iha sentru formasaun ETDA ne’ebé lori nia sai manan nain ba iha area Barista nian.

“objetivu mai iha centru ne’e atu aprende no oinsa mak atu bele dezemvolve hau nia rain, espesial ba hau familia no hau nia munisipiui Viqueque, ba joven sira ita boot sira labele lakon oportunidade sira ne’e, uza portunidade sira ne’e ho didiak.” dehan Elsa.

Enkuantu,Joel Cardoso Marcal husi munisipiu Covalima sente orgullu tebes tamba hetan apoiu husi SEJD hodi tuir treinamentu iha ETDA no nia parte hetan esperiensia ne’ebé diak atu muda no dezemvolve a’an iha futuru.

“ Fo obrigadu ba sentru formasaun ETDA tamba liu husi sira nia matenek ou skil sira ne’ebe iha no sira oferese ona mai ami, nune’e mos ami aprende husi sira atu nune’e ami bele halao ami nia moris rasik, ba kolega joventude sira labele gasta ita nia tempu no oinsa bele halo mudansa ita nia a’an ba oin liu husi formsaun hirak ne’e.” hatutan Joel Cardoso.

Graduasaun ba graduadus Ospitalidade nain 40 ne’e nudar programa treinamentu foinsa’e sira atu sai Servidor, Barrista, Xef, Housekeeping, Resepsionista Otel, Supervizor no Jestor Otel no Restaurante nian inklui mos Operador Guest House no Tour Guide.

Partisipa iha ensermentu ne’e mak Diretora Executivu ETDA, diretor formasaun ETDA, Diretor Jeral SEJD, chefe gabinete SEJD, Diretora DNICT, Diretor Arte, Asesor Nasional Media SEJD, no mos inan-aman husi estudantes sira ne’ebe tuir formasaun iha centro ETDA ne’e.

Hakerek na'in : Frederico B.de Jesus

@COPYIGHT2019#MEDIAGABSEJD#

 

RESULTADU KOMPETISAUN

ETDA TOP POTTER 2019

MANAN NAIN HUSI

SERAMIKA-POTTERY

1. ZACARIAS FREITAS HUSI DILI
2. ADERITO DE JESUS HUSI DILI
3. JOSE PEREIRA HUSI AILEU
4. DOMINGOS RAMOS HORNAI SALSINHA HUSI MAUBISE

 

ETDA TOP INTERN-BARISTA 2019

MANAN NAIN HUSI

1. ELSA TERESA RAMIS HUSI VIQUEQUE
2. ALDA MARTINS DE FATIMA HUSI COVALIMA
3. ALBERTINA PREGO DA COSTA HUSI MANUFAHI
4. EDIGAL NENO ELO HUSI RAEOA-OECUSSE

ETDA TOP INTERN- CULINARY 2019

MANAN NAIN HUSI

EKIPA 1.

1. WILHERMINA SIKI NEPAN HUSI RAEOA-OECUSSE
2. AGUSTA DA SILVA NORONHA HUSI MANUFAHI

 

EKIPA 2.

1. JULIANA CRISTINA SILA HUSI RAEOA-OECUSSE
2. LUIS DE MENEZES DOS SANTOS SOARES HUSI VIQUEQUE

EKIPA 3.

1. LILI PATRICIA MACHADO ABILIO HUSI MANUFAHI
2. FEBRIANA BARROS HUSI COVALIMA

ETDA TOP INTERN- CULINARY- FRUIT CARVIN 2019

MANAN NAIN HUSI

EKIPA 1.

1. ROZINO NARIO BATIM HUSI VIQUEQUE
2. ANTONIO FERREIRA MONIZ HUSI COVALIVA

EKIPA 2.

1. BELARMINO DA COSTA A LOPES HUSI MANUFAHI
2. JOAO DE SA VIANA HUSI VIQUEQUE

EKIPA 3.

1. JENILDA MARIA L TEME HUSI RAEOA-OECUSSE
2. LUIZA PINTO VARIELA HUSI VIQUEQUE

 

ETDA TOP INTERN- TABLE SETTING 2019

MANAN NAIN HUSI

EKIPA 1.

1. JOEL CARDOSO MARCAL HUSI COVALIMA
2. ILDA MARIA FATIMA LELAN HUSI RAEOA-OECUSSE

EKIPA 2.

1. NORBERTO M.H.S. TILMAN HUSI MANUFAHI
2. FELISBERTA MARIA V. BELO HUSI VIQUEQUE

EKIPA 3.

1. PEDRO LEKI NAHAK HUSI VIQUEQUE
2. EUFRAZIA MARTINS FERNANDES HUSI MANUFAHI

 

ETDA TOP INTERN-HOUSEKEEPING 2019

MANAN NAIN HUSI

EKIPA 1.

1. TOMANCIA ADERITO DOUTEL SARMENTO HUSI MANUFAHI
2. LUIZIA M. DE FATIMA TILMAN HUSI MANUFAHI

EKIPA 2.

1. VERONICA SOLE HUSI RAEOA-OECUSSE
2. ABRILIA FERREIRA DOS SANTOS HUSI MANUFAHI

EKIPA 3.

1. PAULITA ALVES DA SILVA HUSI VIQUEQUE
2. CARLOS AMARAL HUSI COVALIMA

---

Video Ligasaun: