S.E Abrao Saldanha Loke Workshop Kurrikulu ba Parlamentu Foinsae

By Media DNICT 03 Setembru 2020, 15:45:30 TLs JUVENTUDE
S.E Abrao Saldanha Loke Workshop Kurrikulu ba Parlamentu Foinsae

Sekretáriu Estadu Juventude no Desporto Abrão Saldanha loke workshop kurrikulu ba Parlamentu Foin-sa


DILI- Sekretáriu Estadu Juventude no Desportu (SEJD) Eng. Abrão Nokosiku Saldanha loke workshop kurríkulu ba Parlamentu Foin-sa’e sira iha sala reuniaun SEJD, tersa 01 setembru 2020.

Perante partisipante sira, Sekretáriu Estadu Abrão Saldanha hateten SEJD iha interese boot hari hela kurríkulu ba Parlamentu Foin-sae Nasional (PFN) tamba ne’e tenki koñese uluk problema ne’ebé mak joven sira hasoru foin mak bele halo formasaun hodi aumenta kapasidade juventude sira nian.

Governante ne’e hatutan formasaun ne’ebé mak sei introdus iha kurríkulu refere tenki forma ema ho kapasidade tekniku no iha vizaun hodi fo solusaun ba problema ne’ebé hanaran teknopolitiku.

“Kurríkulu ba parlamentu foin-sa’e importante tebes, parlamentu foin-sa’e bele mai rasik ona ho karakter formasaun quadrus, hanesan espasu ba forma quadros estadu nian, mak hanesan quadrus teknopolitikus ba kapasidade teknika ho vizaun ida. Indepedentemente sira iha tendensias politika saida deit, iha ramo ideologia saida deit, maibe ita kapasidade ba parlamentu foin-sa’e, nia save iha kurikulum no kurilum sei lori ema ba produs ba figura ho kapasidade teknopolitiku,” dehan Sekretáriu Estadu.

S.E Abrão apela ba partisipantes sira kontribui ideia durante partisipa iha worshop loron rua ne’e molok entrega ba ekipa elaborasaun kurríkulu. Nudar Sekretáriu Estadu ekipa ne’e nia prosesu elaborasaun tenke halo konsulta alargada ba segmentu ne’ebé ita hotu-hotu iha para nune’e bele hetan kurríkulu diak ba parlamentu foin-sa’e sira.

Diretur Jeral Juventude no Desportu David Tomas de Deus hatete programa ne’e halao ona ba periodu tolu (3) no agora tama ba periodu dahaat nian. “Hahu kedas iha 2010 iha ona formasaun no atividade oi-oin no iha mós rekomendasaun husi avaliasaun ne’ebé halo husi UNICEF hamutuk ho Diresaun Nasional Planeamentu SEJD nian,” tenik David Tomas.

Diretor Jeral iha SEJD ne’e mós introdus rekomendasaun ba programa parlamentu foin-sa’e nian iha area formasaun ne’ebé mai ho ideia oi-oin maibé la iha kurríkulu ida atu lao tuir. “Entaun atu evita ida ne’e ita konsidera rekursu sira ne’e, tenke hanoin ida atu elabora kurrríkulu ba programa ida ne’e, entaun modelu ne’e ita muda oituan, dala ruma ita halo kurikulum presiza ema peritos sira mai atu elabora kurríkulu ne’e, maibe ikus mai ita la implementa, diak liu ita bolu ita nia maluk Timor oan rasik ne’ebe iha konesimentu rasik ba ida ne’e, atu nune’e bele fo formasaun hodi nune’e it abele halo rasik ita nian, atu nune’e ita labele depedensia peritus sira husi rai liur sira ne’e,” dehan David de Deus.

Workshop loron rua ne’ebé remata iha kuarta ne’e organiza husi Diresaun Nasional Asosiativismo Juventude hodi elabora ho tekniku rona mós apresentasaun balun kona-ba prosesu jestaun , monotorizasaun no avaliasaun husi representante Ministeriu Edukasaun Juventude no Desportu (MEDJ) Santina da Cruz no hetan partisipasaun husi APFTL, JHN, Centru Juventude Becora, Centru Juventude Comoro, CVTL, UNE-TL, no CNJTL.

#FoinSaeMillennialForsaKriativa

#DesportuIhaSosiedadeNoPrestasaun

FBdJ//RM@copyrigthDNICT-SEJD 2020




Hare Komentariu Hotu-Hotu

Hakerek Komentariu