S.E Abrao Saldanha Hasoru Malu ho Ambassador The Commonwealth Of Australia

Sekretáriu Estadu Juventude no Desportu, Eng. Abrão Nokosiku Saldanha kaer liman ho Ambassador The Commonwealth of Australia mai Timor-Leste, Peter Roberts. iha sala reuniaun SEJD, Lecidere Dili. (21/12/2020) . Imajen/DNICT

DILI- Sekretáriu Estadu Juventude no Desportu, Eng. Abrão Nokosiku Saldanha hala’o sorumutu ho Ambassador The Commonwealth of Australia mai Timor-Leste, Peter Roberts. iha sala reuniaun SEJD, Lecidere Dili iha lororn 21 Dezembru 2020.

Sekretáriu Estadu Juventude no Desportu hatete ninia parte konvida Ambassador Australia mai Timor-Leste ho intensaun atu explora possibilidade sira ne’ebé mak eziste ba serbisu hamutuk entre Embassada Australia ho SEJD.

“Hanesan Timor-Leste nia parseiru dezenvolvimentu prinsipal ida, durante ne’e governu Australia serbisu hamutuk ho entidade Estadu oinoin iha Timor-Leste, maibé seidauk iha parseria direita ho SEJD. Nune’e mak ha’u konvida Sr. Ambassador atu explora possibilidade sira ne’ebé eziste ba ita atu serbisu hamutuk,” Sekretariu Estadu hatete.

“Desportu bele kontribui ba hametin liu tan relasaun bilateral entre Governu no mós relasaun entre povu Timor-Leste ho Australia,” Sekretariu Estadu hatutan.

Posibilidade sira ba serbisu hamutuk ne’ebé Sekretariu Estadu Abrão Saldanha ho Ambassador Peter Roberts diskuti inklui oinsa mak desportu kontribui ba hametin relasaun bilateral, oinsa programa “Seasonal Workers” no “Pacific Labor Scheme” bele sai mós meius ba interkambiu juvenil entre rai rua no mós possibilidade asistensia téknika.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020

---