Parseiru sejd Tenke Utiliza Orsamentu Estadu Ho Responsabilidade
SEJD liu husi GIA realiza workshop ba parseiru Juventude no Desporto

By Admin 29 Agostu 2019, 15:14:14 TLs JUVENTUDE
Parseiru sejd Tenke Utiliza Orsamentu Estadu Ho Responsabilidade

Fotografia : SEJD liu husi GIA realiza workshop ba parseiru Juventude no Desporto


PARSEIRU SEJD TENKE UTÍLIZA ORSAMENTU ESTADU HO RESPONSABILIDADE

Dili (18/06/2019)- Parseiru SEJD tenke utiliza orsamentu Estadu ho responsabilidade, tamba apoiu orsamentu ne’e laos foti husi bolsu Sekretáriu Estadu Juventude no Desportu nian rasik maibe orsamentu ne’ebe representante povu nian aprova husi Orsamentu Geral Estadu, dehan Sekretáriu Estadu Juventude no Desportu Nélio Isaac Sarmento, iha workshop divulgasaun Lei no regulamentu administrativu ba funsionariu públiku no grupo alvu SEJD, Tersa feira ne’e (18/06) iha Salaun Fundasaun Oriente Dili.

Nélio Isaac dehan, utílizasaun orsamentu laos fo kestaun ba nivel superior sira, maibe parseiru sira mos iha responsabilibade. Hó workshop ida ne’e atu fo hanoin ba parseiru sira karak bainhira atu utiliza apoiu ne’e ba komunidades tenki tuir ninia prosedimentu ka regras.

Nudar Nélio objetivu principal workshop loron rua ne’e mak hakarak annualmente parseiru sira ne’ebe mak sai alvu ka halo kooperasaun ho SEJD iha konesementu kona-ba utílizasaun orsamentu estadu nian, nune’e bele redus mal administrasaun ba orsamentu iha ne’ebe bele prejudika mos parseiru sira ho parte judisiariu nian.

“ Laos ba funsionnario SEJD ba mos parseiru sira, tamba parseiru sira ne’e mai husi organizasoes juventude, organizasoes Desportivas, no federasoes, ne’ebe SEJD sempre apoiu ba halo sira nia aktividades, entaun iha ne’e ita presiza atu hatene regras balun hodi nune’e evita labele mosu tentasaun oi-oin iha korupsaun, hau atu fo informasaun oituan ba ita bo’ot sira, tamba sa ida ne’e halo, tamba organizasoes desportivas, oragnizasoes juventude inklui mos funsionarios SEJD balun iha deskonfia komete iha aktus korupsaun sira, entaun oinsa mak atu bele halo para sira ne’e iha
konesementu naton para labele halo sala kiik oan sira ne’e, enatun worksop sira ne’e ba iha ne’eba ho informasun sira ne’e hanesan masukan ba SEJD hodi oinsa mak bele implementa boa governasaun iha SEJD rasik,” dehan Nélio Isaac.

Entretantu, Diretór geral KAK ba Prevensaun, Rosario Salsinha Araújo dehan materia kooperasaun nian ne’e tinan-tinan halao hela, liu-liu oinsa atu promove integridade no hadia sistema iha SEJD, katak uluk no agora mos SEJD kontinua hanesan instituisaun exemplar, liu-liu oinsa atu esforso hodi prevene no kombate korupsaun liu husi divulgasaun leis ba ninia funsionariu no mos parseiru sira. Rosario dehan, konsensia hakarak aprende programa sira, aprende materia sira kona-ba anti korupsaun liu-liu ba iha area prevensaun, ne’e importante teb-tebes.

“Iha parte ne’e mos SEJD liu husi Gabinete Inpectur Geral e Auditoria sempre konvida KAK atu mai dezemina no fahe informasoes, tamba ne’e mak ohin KAK nia prezensia iha ne’e, no husu ba parte gabinete inspectoria ninian, hamutuk ho sekretáriu estadu juventude no desportu, inisia buat sira hanesan ne’e, mesmo iha ministerio barak mak seidauk implementa hanesan ne’e, maibe SEJD tinan barak ona hatudu duni pratika ne’ebe diak, iha instituisaun rasik, ba KAK nia prezensia ne’e mak loron ohin ne’e deit,” dehan Rosario.

Workshop loron dahuluk ne’e hetan partisipasaun husi Diretór Geral SEJD, Diretór Juventude, Diretóra DNICT, Diretóra Financa, Diretór DNPCI, Diretór Desportu, Xefe Gabinete, Inpectur Greal e Auditoria SEJD nian , Diretur Geral husi KAK ba prevensaun inklui funsionariu no parseiru Juventude no Desportu SEJD nian husi Municipiu 12 no RAEOA




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu