DILI- Ministro Edukasaun Juventude no Desportu Dr, Armindo Maia apela ba joven sira katak Timor Leste presiza joven ne’ebe nakonu ho reziliente. Ministru tatoli lia hirak ne’e bainhira fahe premio ba konkorentes sira ne’ebé hetan klasifikasaun iha aktividade Drum Band, Sertame, Hakerek Historia, kompetisaun pintura, iha ambito komemorasaun loron massacre Santa Cruz 12 novembro ba dala 29 no mos selebra loron juventude ba dala 15.

Guvernante ne’e realsa husi parte tomak ne’ebe partisipa iha eventu komemorasaun, manifestasaun massacre 12 novembro 1991, maske loron juventude nian, husu ba joven sira katak loron ida ohin ne’e loron importante, liu-liu ba joven sira nian, ita komemora manifestasaun ba massacre santa 12 novembro, aumesmo tempu loron nasional juventude loriku as’wain nia loron.

Ministru hatutan partisipasaun joven nian ne’e importante tebes hanesan SEJD ne’ebé tutela ba MEJD ne’ebé forte teb-tebes. Ministru mós kongratula partisipante sira durante semana hira nia laran partisipa iha aktividade oin-oin hanesan Durm Band, Sertame, Hakerek Historia, kompetisaun pintura nomos atividade seluk ligadu ho komemorasaun.

“Ida ne’e hatudu joven nia kreatividade, joven nia inisiativa, desportu importante tebes, estadu kria kondisaun para imi bele partisipa ativamente ida ne’e mak haktuir tema selebrasaun ba tinan ida ne’e, mak joven mak sai autor ba sosiedade ne’ebe reziliente, reziliente katak imi pronto atu hasoru dezafiu.

Ita presiza mak joven ne’ebe mak nakonu reziliensia katak joven sira uluk hatudu ona katak mehi ba ukun rasik a’an, ohin loron ita nia partisipasaun ativu ih aprosesu dezemvolvimentu ne’e hatudu espiritu reziliente ba problma saida deit ita pronto hasoru”, dehan Armindo Maia.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020