- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
KRAM husu ba organizasaun Arte Marsiais indikadu sira submete dokumentu iha fulan oin
Fotografia : KRAM reuniaun ho Sub-Komisaun Reguladora Arte Marsiais husi Munisipiu 12 no RAEOA ho diskuti kriteria re-atualiza organizasaun Arte Marsiais ne’ebe mak seidauk rejistu iha FESTIL tuir rezulusaun no 4/2020
DILI- Sekretáriu Estado Juventude no Desportu (SEJD) liu husi Komisaun Reguladora Arte Marsiais (KRAM) realiza inkontru ho sub-Kram husi munisipiu 12 no RAEOA.
Presidente KRAM Octavio da Conceição hateten inkontru regular ne’e atu fo sai hanoin hamutuk kona-ba planu atividade sira ne’ebé KRAM halo inklui prepara planu hodi aprezenta ba Sekretáriu Estadu foun.
“ KRAM halao enkontru ba aktividade sira ne’ebe maka halao tinan ne’e ba oin, aumezmo tempu atu fo sai hanoin hamutuk kona-ba planu aktividade sira ne’ebé mak halao nune’e atu prepara mos planu hodi aprezenta ba sekretariu estadu foun hodi hetan aprovasaun no mos rona orientasaun husi sekretariu estadu juventude no desportu foun kona-ba papel importante ne’ebe mak kram iha ho nune’e maka ami konvida Sub-KRAM sira husi munisipiu 12 inklui RAEOA” hateten Octavio iha Sala reuniaun SEJD, sexta (26/06).
Presidente KRAM hatutan iha inkontru ne’e kontinua halo diskusaun kona-ba kriteria re-atualiza organizasaun arte marsiais ne’ebé indikadu tuir resolusaun no 4/2020 ne’ebé KRAM fosai ona iha loron 10 juñu 2020 foin lalais ne’e atu organizasaun Arte Marsiais no Arte Rituais ne’ebe maka seidauk registo iha FESTIL hakbesik a’an mai hodi rona informasaun sira ne’ebe mak KRAM fo sai ba publiku.
“Ohin iha rekomendasaun lubuk ida tuir resolusaun no 4/2020 iha no 2 hateten katak istruir a komando da Policia Nacional Timor-Leste atu intensifika kona-ba aktividade ilisitas arte marsiais sira, ne’e signifika katak kuandu organizasaun Arte Marsiais sira ne’ebe indikadu iha rezulusaun ne’e mak seidauk submete sira nia dokumentos importante sira ne’ebé mak KRAM tau iha kriterius sira ne’e, maka sira seidauk bele halao aktividade treinamentu iha teritorio laran tomak, maibe hanesan mos ba rezulusaun ne’e desizaun politika sira bele halo ona aktividade konsolidasaun no sein uza atributu treinu ninian” dehan Octavio.
Atraves diskusaun ne’e presidente KRAM hein katak organizasaun Arte Marsiais indikadu sira (KORK,PSHT,IKS) komesa fulan oin bele hakbesik-an ona hodi submete sira nia dokumentus ba sekretariadu Comisaõ Reguladora dos Arte Marsiais para bele hetan avaliasaun no hetan verifikasaun molok KRAM halo pareser favoravel ida ba Sekretariu Estadu atu rekomenda ba Ministeriu Justica hodi hetan rejistu no publikasaun iha jornal da republika.
Hakerek : Frederico Branco de Jesus
Editór : Robert Mendonça
@COPYRIGHT2020#DNIC-SEJD#