Konferensia Nasional JBK 2019
Konferensia Nasional JBK 2019

By Admin 13 Agostu 2019, 22:28:03 TLs JUVENTUDE
Konferensia Nasional JBK 2019

Fotografia : Konferensia Nasional JBK 2019 SEJD Husu Jovem Katolika Halo Kontenti Inan-Aman.


Konferensia Nasional JBK 2019
SEJD Husu Jovem Katolika Halo Kontenti Inan-Aman
DILI – Sexta (9/08/2019) – Sekretariu Estadu Juventude no Desportu (SEJD) Nelyo Isaac Sarmento iha seremonia abertura konferensia nasional Jovem ba Kristu (JBK) ba dala XIII husu ba jovem Katolika sira atu haforte fe ba Maromak no kontinua husu ba jovem sira atu halo kontenti inan-aman.
“Hadomi ita nia isin lolon, no respeita inan-aman. Labele halo sira tanis tamba ita abortu, maibe halo sira tanis tamba ita nia susesu,” dehan Nelyo Isaac Sarmento iha nia deskursu ba abertura konferensia nasional JBK 2019, Sexta (9/8/2019), iha eis Eskola Sao Jose Balide, Dili.
Sekretariu estadu ne’e mos hateten ba joven sira katak atu kontinua hakiak paz no estabilidade iha sosiedade nia le’et.
“Ita nia hanoin atu kuidadu ita nia nasaun, kuidadu ne’e buat kiik oan ida deit mak hakruk ba inan-aman no mos kuidadu estadu Hakruk ba ita nia nai ulun sira mos garantia ita nia estadu, respeita ita nia nai ulun sira ho ema ne’ebe katuas sira ne’e mos tane ita nia estadu, satan ita respeita ba lei sira ho orden sira, ne’ebe rai ida ne’e fo ba ita, ida ne’e garantia ita nia estadu, estadu ne’e nudar nasaun, bainhira ema barak koalia kona-ba ita nia estadu, estadu ne’e ita hot-hotu iha ne’e mos estadu hotu, tamba ita hamutuk atu garante ita nia estadu,” dehan Nelyo Isaac Sarmento.

Konferensia nasional JBK ne’e halo barak liu ho workshop, orasaun no adorasaun. Alende ne’e mos halo ho atividade desportu no kultura ne’ebe compete hosi parokia hirak ne’ebe mai reprezentante sira nia munisipiu.

Total jovem nain 1,500 pesoas ne’ebe partisipa iha konferensia nasional ne’e no remata iha Domingu (11/8/2019) ho susesu.

@COPYRIGHT2019#MEDIAGABSEJD# PHOTOGALLERIA#FREDERICOBDEJESUS#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu