Jogu Fronteira 2019 : Munisipiu Covalima vensedor ba jogu baketebol feto

By Media DNICT 21 Novembru 2019, 16:12:54 TLs DESPORTU
Jogu Fronteira 2019 : Munisipiu Covalima vensedor ba jogu baketebol feto

Fotografia : Cicilia Godinho lori hela bola, hetan presaun husi ekipa basketból Maliana munisipiu Bobonaro


MALIANA- Ekipa basketból feto husi munisipiu Covalima sai vensedor iha jogu fronteira datoluk ne’ebé realiza iha Munisipiu Bobonaro Kinta (21/11) ne’e.

Jogo fronteira 2019 ba modalidade basketeból feto maioria vensedor okupa hotu husi Timor Leste tamba laiha ekipa basketeból feto husi Belu, Kefa no Malaka mak partisipa.  Nune’e  ekipa feto Munisipiu Covalima okupa fatin dahuluk, enkuantu daruak okupa husi ekipa Munisipiu Bobonaro no RAEOA mak sai manan na’in datoluk.

Ekipa basketeból feto Suai-Covalima hahu jogu ho totalidade mesmu iha jogu konjuntu quarter primeiro ekipa rua hetan skor hanesan (15-15). Iha quarter segundu ekipa baketeból feto Covalima ho kualidade jogu ne’ebé masimu hodi aumenta skor no Munisipiu Bobonaro hela ho skore 06 (22-06).

Iha qurter terseiru kapitaun ekipa basketeból Bobonaro halo rezistensia hodi kontra-ataka hasoru Suai Covalima ho rezultadu ikus iha qurter datoluk Bobonaro 15 no Covalima 14.

Iha etapa ikus ekipa feto Suai-Covalima nebe lidera husi Cecilia Godinho halo tatika jogo ne'ebé diak hodi nune'e ikus aumenta skore (14-11). Total husi quater primeiro to quarter ikus jogu Munisipiu Covalima konsege hetan pontu 65 no Munisipu Bobonaro tenki satisfas ho pontu 46. Ho pontus nebe boot liu lori vitória ba ekipa Suai-Covalima hodi okupa primeir lugar basketeból feto iha jogu fronteira 2019.

Kapitaun ekipa basketeból feto Suai-Covalima Cicilia Godinho hateten jogo ne'ebe halao durante semana- ida lao ho diak no laiha problema tamba komisaun sira organiza ho diak to jogo remata. Iha sorin seluk Cecilia mos sente kontente tamba bele lidera ekipa ne'e to hetan primeiro lugar jogo basketból iha jogo fronteira cup tinan 2019.

"Hanesan jogador ami pronto no preparadu no treino nafatin atu nune'e iha tinan oin karik realiza jogu hanesan ami nia ekipa forte nafatin hodi bele hetan nafatin primeira lugar,” akresenta nia.

 

Hakerek na’in : Abel de Jesus. A

@COPYRIGHT2019#DNICT-SEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu