Jogu Fronteira 2019 : Halakon ekipa futebol Suai Covalima 3-1, Kefa TTU tama final

By Media DNICT 21 Novembru 2019, 13:46:26 TLs DESPORTU
Jogu Fronteira 2019 : Halakon ekipa futebol Suai Covalima 3-1, Kefa TTU tama final

Fotografia : Jogador Kefa TTU numeru kamizola 12 koko muda sees bola husi jogador Covalima ho númeru kamizola 18 iha jogu meius finais iha estadion Malibaka Yamato Maliana 19 Novembru. Foto : Juven


MALIANA - Jogu forinteira ne'ebe hala'o iha estadio Malibaka Yamato iha Tersa (19/11) entre ekipa Munisipiu Covalima kontra ekipa Kefa TTU hamosu kontra atake maka'as entre ekipa rua.

Durante jogu la'o tatika ne'ebe hatudu husi jogador ekipa rua furak tebes atu asite, maibe iha jogu primeira parte, ekipa TTU hetan sorte aat hodi simu golu primeiru husi ekipa Covalima iha minutu 15 ne’ebé jogador ho numeru kamizola 11 hatama.

Hafoin deskansa iha primeira parte durante minutu hirak nia laran arbitu lian hodi kontinua ba segunda parte. Iha jogu segunda parte nia laran treinador TTU Tony Batta muda estratejia jogu iha kampo laran, to'o ikus mai hamosu rezultadu pozitivu ba ekipa refere hodi hatama golu ba ekipa Covalima iha minutu 59 husi jogador numeru kamizola 6 hodi halo impata 1-1.

La to'o deit iha ne'e ekipa TTU nafatin halo presaun ba ekipa Covalima iha jogu laran husi jogador avansadu TTU nian, nue'e jogador numeru 6 sai markador diak, nune'e nia hatama tan golu ba Covalima iha minutu 68, maibe ekipa Covalima mos la nonok deit sira mos halo presaun ba ekipa Kefa TTU liu husi jogador Yahanes Kapitan maibe la konsege marka golu.

Nune'e iha minutu 82 sorte a'at monu ba ekipa Covalima hodi simu tan golu ida husi jogador TTU numeru kamizola 6 sai heroi dala ida tan hodi halo golu (Hatrik) ba Covalima, ho golu ida ne'e mantein to'o jogu ne'e termina, nune'e ekipa TTU manan 3-1 no hakat ba final hodi hein ekipa Uma nain Maliana A ho ekipa bainaka Belu Atambua.

Kapitaun ekipa Kefa TTU Nelson de Oliveira Freitas hateten nia parte sente kontente tamba bele halo istoria iha jogu fronteira 2019 ne’e.

'' Ami senti kontente tanba ami halo istoria bo'ot ida iha Nasaun Timor Leste no ami mak ekipa dahuluk husi Indonesia bele tama to'o final ami iha esperansa sei lori fila taxa jogu fronteira ba dala tolu ne'e ba TTU Indonesia'', dehan Nelson.

Enkuantu, kapitaun ekipa Suai Covalima Yohanes Kapitan sente triste ho rezultadu refere.

“ Tamba esforsu tomak ne'ebe mak ekipa halo la konsege atinzi, nune'e ami simu rezultadu hodi haka'at ba hadau malu terseiru lugar.” dehan Yohanes.

Ekipa Suai Covalima sei hasoru ekipa futeból Belu hodi hadau terseira lugar futeból jogu fronteira 2019 iha 20 Novembru lorokraik.

Hakerek na’in : Juvinal de A

@COPYRIGHT2019#DNICT-SEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu