Jogu Fronteira 2019 : Diretor Jeral SEJD husu munisipiu sira iha lina fronteira perpara-an sai uma n

By Media DNICT 25 Novembru 2019, 15:01:37 TLs DESPORTU
Jogu Fronteira 2019 : Diretor Jeral SEJD husu munisipiu sira iha lina fronteira perpara-an sai uma n

Diretor Jeral SEJD João dos Santos entrega premiu ba manan na


MALIANA - Diretor Jeral Sekretaria Estadu Juventude no Desportu (SEJD) João dos Santos hatete munisipiu sira ne’ebé iha liña fronteira perpara-an didiak hodi bele sai uma na’in ba jogu fronteira. Iha nia intervensaun ensera programa jogu fronteira ba dala tolu iha munisipiu Bobonaro (21/11) foinlalais-ne’e, diretor João husu atu munisipiu sira hanesan Covalima no RAEOA bele perpara-an didiak no tau planu hodi dezemvolve fasilidade balun ne’ebe bele apoiu atividade jogu tanba SEJD rasik nia planu to’o 2030 mak kompleta fasilidade desportu iha munisipiu hotu.

Iha entrega premiu ba manan-nain sira no taka atividade jogu fronteira 2019 João dos Santos hato’o ninia agradesimentu ba partisipantes hotu ne’ebé partisipa ona eventu ne’e nomos agradese komisaun organizadora ne’ebé organiza ona jogus durante semana ida lao ho di'ak inklui kontribuisaun parte hotu ba susesu jogu fronteira 2019 ne’e to’o ensera.

“Agradese mos ba ekipa bainaka Belu, Kefa- TTU, ne'ebe ho laran kaman delega atleta sira husi modalidade tolu tebe bola, voliból no basketeból mai partisipa jogu fronteira iha munispiu Bobonaro tinan 2109 ne’e” dehan João dos Santos.

Diretor jeral ne’e hatutan mesmu iha lalaok atividade nian balun lao ladun diak espera iha futuru ho apoiu husi sentral atraves SEJD sei bele hadia liu-liu parte rekursu umanu ninian hanesan preparasaun ba atleta, ofisial, arbitu no fasilidade, liu-liu munisipiu iha liña fronteira rua RAEOA no Covalima atu prepara-an didiak hodi bele organiza di'ak liutan wainhira hetan fiar hodi sai uma nain ba jogus fronteira tuir mai.

Jogu fronteira ne’e hala’o atu hametin relasaun di’ak entre munisipiu ne’ebé besik fronteira hanesan Bobonaro,Covalima no Rejiaun Administrativ Espesiál Oé-Cusse Ambeno (RAEOA). Enkuantu, hosi Indonézia nian mak hanesan Atambua, Malaka no Kefa.

 

Hakerek na’in : Juvenal de Araujo

@COPYRIGHT2019#DNICT-SEJD#




Hare Komentariu Hotu-Hotu

Hakerek Komentariu