Hasoru SEJD, Isabel Ferreira Prontu Kolabora ho Governu ba Dezemvolve CPNTL
Isabel Ferreira Prontu Kolabora ho Governu ba Dezemvolve CPNTL

By Admin 29 Agostu 2019, 10:47:00 TLs DESPORTU
Hasoru SEJD, Isabel Ferreira Prontu Kolabora ho Governu ba Dezemvolve CPNTL

Fotografia : Hasoru SEJD, Isabel Ferreira Prontu Kolabora ho Governu ba Dezemvolve CPNTL


DILI (05/06/209) – Comite Paralimpico Nacional Timor-Leste (CPNTL) iha lideransa foun Prezidenti Isabel Ferreira pronto atu kolabora ho programa governu nian ba dezemvolve organizasaun ne’ebe nia asumi ba.

Isabel Ferreira nu’udar mos kaben hosi Primeiru Ministru, Taur Matan Ruak ne’e hato’o lia hirak ne’e hafoin inkontru ho Sekretariu Estadu Juventude no Desportu, Nelyo Isaac Sarmento iha Salaun Inkontru SEJD, Lecidere, Dili, Kuarta (05/06/2019).

“Ohin hau mai iha ne’e hodi koalia kona ba servisu Komite Paralimpiku nian, hanesan imi hatene, hau foin hetan nomeasaun prezidenti lidera ba komite ida ne’e, entau hau persiza hasoru hosi parte governu atu hatene no simu informasaun no orientasaun hosi governu kona ba politik governu nian iha areia nee no mos apoiu ne’ebe governu fo ba komite,” dehan Isabel Ferreira.

Ema numeru ida iha CPNTL ne’e mos konkorda ho hanoin balun hosi Sekretariu Estadu hodi oinsa halo kadernizasaun ba atleta sira ne’ebe iha potensia hodi kompete iha jogos internasional sira.

“Hau hanoin planu CPNTL Iha ona antes, iha mos hanoin foun balun atu halo hanesan sekretariu estadu koalia, ita persiza halo kadernizasaun ba atleta foun. Ohin ita iha ona atleta ho prestizu internasional, hanesan Teofilo. Mais ita mos tenki prepara Teofilo seluk tuir mai fali, no mos ba modalidade seluk ne’ebe ita hare’e iha potensia ba timoroan sira ba iha area desportu ne’ebe iha talentu, ita tenki prepara sira para ba kompete iha kompetisaun internasional ne’ebe ita partisipa,” esplika Isabel Ferreira.

Iha inkontru ne’e, Sekretariu Estadu Nelyo Isaac Sarmento hateten, parte governu, iha tinan-tinan tau orsamentu operasional ba CPNTL, inklui orsamentu hodi partisipa iha jogos internasional hanesan Paragames Manila 2019 ne’ebe Timor-Leste sei partisipa.

“Orsamentu SEJD iha ona, hein deit para transfere ba CPNTL hodi bele uza tuir nesesidade nian, inklui preparasaun ba Paragames Manila nian,” dehan Nelyo Isaac Sarmento.

Sekretáriu Estadu mos husu ba CPNTL atu prepara no hatama proposta orsamentu ba atividade tinan 2020 nune’e bele submete ba orsamentu jeral estadu ba tinan oin nian.

@COPYRIGHT2019#MEDIAGABSEJD#
#PHOTOCREDIT#MEDIAGABSEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu