JUVENTUDE

REPÚBLICA DEMOCRÁTICA DE TIMOR-LESTE

SECRETARIA DE ESTADO DA JUVENTUDE E DO DESPORTO

Natureza no Atribuisoens

1. Natureza

Diresaun Nasional ba Juventude, ne’ebe temi badak katak DNJ, nia misaun maka atu ezekuta politikas ne’ebe adopta kona-ba kriasaun mekanizmus apoiu, organizasaun no formasaun foinsa’e sira nia moris, no fo ba sira oportunidades oi-oin atu harii moris ida ne’ebe estavel no moris hamutuk didi’ak iha sosiedade nia laran.

2. Atribuisoens

DNJ halao atribuisoens hanesan tuir mai ne’e :

1. Promove, kria no dezemvolve programas ba jovens sira, iha areas :
   • Okupasaun tempus livres ka mamuk;
   • Voluntariadu;
   • Asosiativizmu;
   • Formasaun profisionál;
   • Mobilidade no interkâmbiu;
   • Formasaun sidadania;
2. Apoia no insentiva partisipasaun jovens Timor-oan iha organizmus ho eventus internasionais nebe halo ba sira nia grupu idade;
3. Buka no promove prémius, bolsas no protokolus ho entidades privadas, atu halo kolokasaun fo estájiu ba foinsa’e sira ne’ebé iha prestasaun akadémiku aas ka iha hakarak makas atu aprende;
4. Fo autorizasaun poiu ba asosiasoens juvenis ne’ebé nia estrutura no organizasaun lao tuir lei ho regulamentus ne’ebé aplika;
5. Aprezenta relatoriu anúal kona-ba nia atividades;
6. Halao knaar seluk ne’ebé lei haruka.