ADMINISTRASAUN E FINANCAS

REPÚBLICA DEMOCRÁTICA DE TIMOR-LESTE

SECRETARIA DE ESTADO DA JUVENTUDE E DO DESPORTO

Natureza no Atribuisoens

1. Natureza

Diresaun Nasional ba Administrasaun no Finansas, temi badak katak DNAF, nia misaun maka : atu asegura apoiu tékniku no administrativu ba Sekretáriu Estadu, ba Diretor Jerál no servisus SEJD nian seluk, iha dominius administrasaun jerál, rekursus umanus, dokumentasaun, arkivu no jestaun patrimonial.

2. Atribuisoens

DNAF halao atribuisoens tuir mai ne’e :

1. Fó apoiu tékniku ho administrativu ba Sekretariu Estadu, ba Director Jerál no Diresoens SEJD nian seluk;
2. Garante inventariasaun, manutensaun, prezervasaun no jestaun patrimóniu Estadu nian, nune’e mós halo inventariasaun no manutensaun kontratus fornesimentu sasan no servisus ne’ebe pertense ba Sekretaria Estadu;
3. Koordena ezekusaun no kontrolu ba sasan/materials ne’ebe fo ba uza  iha diresoens hotu-hotu Sekretaria Estadu nian;
4. Asegura sistema prosedimentus komunikasaun interna ba órgauns servisus Sekretaria Estadu nian;
5. Kolaborasaun ho servisus hotu-hotu iha Sekretária Estadu no tuir orientasoens hosi leten, elabora Planu Anuál ba atividades no proposta ba programa investimentu setoriál Sekretaria Estadu nian, nune’e mos halo akompañamentu no avaliasaun ba nia ezekusaun;
6. Partisipa iha elaborasaun planus setoriais iha servisus oi-oin Sekretária Estadu nian;
7. Prepara ho kolaborasaun hosi entidades kompetentes sira seluk, elaborasaun projetu orsamentu annual ba Sekretária Estadu;
8. Koordena ezekusaun ba dotasoens orsamentais ne’ebé fó ba servisus Sekretaria Estadu oin-oin, maybe la prejudika meius kontrolu no avaliasaun ne’ebe entidades kompetentes sira seluk hala’o;
9. Koordena no armoniza ezekusaun planus anuais no plurianuais atu hatán nesesidades ne’ebe define tiha ona husi leten;
10. Realize aprovisionamentu ba Sekretaria Estadu;
11. Kumpri ka halo ema kupri leis, regulamentus no dispozisoens legais sira seluk ho natureza administrativa i finanseira;
12. Promove rekrutamentu, kontratasaun, akompañamentu, avaliasaun, promosaun no reforma ba funsionárius;
13. Prosesa listas ba renumerasoens/salárius funsionárius sira nian;
14. Asegura rekolla, guarda, konservasaun, no tratamentu ba dokumentus SEJD nian, hanesan arkivu fixeirus pesoais funsionárius Sekretaria Estadu nian;
15. Kumpri no halo ema kumpri lejislasaun ne’ebé bele aplika ba traballadores funsaun públika nian, hodi propoen ba leten/boot sira atu instaura ka hala’o prosesus inkéritu i disiplinares i fó instrusaun ba sira ne’ebé determina ona hosi leten;
16. Fó hanoin/pareseres no informasoens seluk atu nai-ulun sira foti medidas administrativas  hodi hadi’a jestaun rekursus humanus;
17. Buka dalan ne’ebe presija ba ema kumpre normas kona-ba kondisoens ambientais ijiene no seguransa servisu;
18. Mantein sistema arkivu ida ho eleborasaun estatístikas ne’ebe relasiona ho Sekretaria Estadu no sistema informatiku ne’ebe atualizadu kona-ba riku-soi ne’ebe pretense ba Sekretaria Estadu;
19. Dezemvolve asoens ne’ebé presiza atu asegura manutensaun redes komunikasaun interna no externa, nune’e mos ho funsionamentu no utilizasaun diak rekursus informatikus;
20. Aprezenta projetus istalasoens sentrus juventude no desportu nebe presiza submete ba apresiasaun SEJD nian, hodi fo lia-fuan ruma kona-ba nia utilidade no viabilidade finanseira (nia folin);
21. Fo lia-fuan kona-ba viabilidade finanseira ba programa konstrusaun i rekuperasaun ekipamentu no infra-estruturas desporto nian, halo kolaborasaun ho autoridades lokais, maibe la prejudika kompêtensias entidades sira seluk nian, tuir lei;
22. Fo relatoriu anúal kona-ba nia atividades;
23. Halao knaar seluk ne’ebé lei haruka.