- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Gerson-Cidalia Lansa Album Foun Kolabora ho Leo Moniz
Gerson-Cidalia Lansa Album Foun Kolabora ho Leo Moniz iha Album CD SACARBIMUL: Knanuk Murak, Dame iha Klamar
Gerson-Cidalia Lansa Album Foun Kolabora ho Leo Moniz iha Album CD SACARBIMUL: Knanuk Murak, Dame iha Klamar.
DILI, 28 Setembru 2019 - Artista Timoroan nain 5, Gerson Oliveira, Cidalia Goncalves, Leo Moniz, Duviana Neves, no Gabriel Ramos hamosu tan album foun ho naran SACARBIMUL: Knanuk Murak, Dame iha Klamar ne'ebe offialmente lansa ona iha Sabadu, 28 Setembru 2019 iha Jardim SEJD.
Lansamentu ne'e partisipa deretamente hosi Sekretariu Estadu Juventude no Desportu (SEJD), Nelyo Isaac Sarmento. Album SACARBIMUL ne'ebe produz hosi Produtor Muzika, Donques Neves hetan apoiu fundus hosi SEJD no produsaun CD hetan apoiu hosi MAHANAIM-JENIFER FOUNDATION. Iha album ne'e hamutuk muzika 11.
"Parabens ba imi sira ne'ebe hamutuk hodi lansa muzika foun iha imi nia album, susesu ba imi hotu," dehan Sekretariu Estadu, Nelyo Isaac Sarmento.
Reprezenta hirak ne'ebe produz album refere, Gerson Oliveira hato'o agradesementu ba SEJD ne'ebe fo ona apoiu ba sira hodi bele produz album foun ne'e.
"Agradese ba apoiu SEJD ba album SACARBIMUL ne'ebe ami lansa ohin ne'e," dehan Gerson ne'ebe konesidu ho nia muzika Hau Persiza tebes O.
"Ami lansa album ne'e ho objetivu atu haburas muzika Timor-Leste ho diferensia paixaun foun iha muzika nasional," Komentariu Donques Neves nudar produtor ba album refere.
Iha album ne'e, Gerson Oliveira kanta muzika 3 ne'ebe ida nia kanta mesak ho titlu Lorena Morena, no ida feat ho Cidalia Goncalves ho titlu Moris ida, Domin ida no seluk hamutuk ho Leo Moniz, artista foun rua Duviana Neves ho Gabriel Ramos ho muzika titlu Babadok ho Dame Natal.
Muzika seluk mak, Lemorai Do'ok ho Ema Kriatura kanta hosi Duviana Neves, Leo Moniz kanta tan lagu solo Ordem Lorico Aswain, Nicolau Lobato, no Papa. Muzika seluk Tauk Lakon O (Cidalia Goncalves) no Oan Kiak (Gabriel Ramos).
Gravasaun muzika album ne'e grava iha Alfa Home Studio Recording no Produsaun CD halo iha Natural Multimedia Production (NMP).
COPYRIGHT@2019#MEDIAGABSEJD#