FFTL realiza formasaun ba rejenerasaun Arbitru

By Media DNICT 05 Desembru 2019, 14:34:24 TLs DESPORTU
FFTL realiza formasaun ba rejenerasaun Arbitru

Formador árbitru nasional Aniceto Goveia B. esplika hela teoria no regras árbitru nian


RAEOA - Federasaun Futeból Timor Leste (FFTL) hamutuk ho Asosiasaun Futeból Oe-Cusse (AFO) fo formasaun ba árbitru foun nain 25 iha Rejiaun Autonomia Espesial Oe-Cusse Ambeno (RAEOA). Formasaun ne’ebé halao husi loron 02-06 dezembru 2019 iha Centru Juventude Rejiaun Oe-Cusse ne’e foka liu ba teoria 17 regras iha futeból nian no domína kampu inklui teste kondisionamentu fiziku (fitness test).

“Materia ne’ebé hetan mak regulamentu árbitru nian tanba árbitru ne’e hanesan juiz tenki hatene regras nebe regula ona iha FIFA nebe kontein artigu 17 hodi deriji jogu, kuadu domina ona nia ba deriji jogu, no tenki tuir mós feetness test tamba árbitru la hanesan treinador no dala ruma árbitru liu fali jogador tamba ne’e mak FIFA nia plano árbitru tenki iha kuaidade diak aleinde domina teniku maibe tenki iha fiziku diak. Regras tenki halao durante loron lima teoria no pratika tuir mata dalan. Dader teoria lorokraik ba pratika iha kampu,” dehan Aniceto Goveia Berlelo nudar formador husi FFTL.

Aniceto Goveia akresenta, kriteria husi nasional halo mai asosiasaun baseia ba rekizitus ho tinan nebe variativu entre idade 17 -25 no balun nebe federasaun haree ativu maibe idade 30 rekruta deit nain 5 ho razaun sira bele ajuda iha parte administrasaun no hao programa ka jestaun hodi rekruta fali arbitu foun iha futuru.

“Iha tinan 2019 tuir FFTL liu husi diresaun árbritrazen plano halo programa 10, no halao uluk mak programa tolu ba sira nebe hetan ona formasaun ba level C no balun pasa ona ba level B no ida kona-ba futsal tamba ita hatene katak iha Timór ema hotu-hotu hakarak halo planu ba futeból onze no liu-liu futsal , entaun kestaun federasaun nian mak rekursu menus refree futsal ne’ebé fulan novembru foin lalais ne’e realiza mós árbitru futsal ninian ne’ebé remata tiha ona iha loron 22 novembru. Agora kontinuasaun ida ne’ebé mak halao dadauk ne’e tuir plano ne’ebé maka husi diresaun árbitrajen halo plano ba tinan haat ninian nebe mak agora realiza programa ba asosiasaun futeból hotu-hotu atu rekruta árbitru foun ho objetivu labele difikulta asosiasaun halo jogu iha nivel munisipiu ka rejiaun rekursu asosiasaun nian ba árbitrajen bele deriji rasik ona jogu sira ne’ebé asosiasaun halo nomos instituisaun balun halo iha rekursu naton ona atu deriji jogu liu-liu iha asosiasaun futeból Timor Leste iha ida-idak nia munisipiu ka rejiaun.” dehan Aniceto.

Aleinde halao iha Rejiaun Oe-Cusse programa hanesan mós halao iha Munisipiu Covalima no iha tinan 2019 ne’e sei kontinua iha Munisipiu Baucau, Manatutu,Dili no Ermera.

 

@COPYRIGHT2019#DNICT-SEJD#




Hare Komentariu Hotu-Hotu

Hakerek Komentariu