FFTL, LFTL no SEJD Komprometidu Garante Realizasaun Liga Futebol Iha Timor-Leste

By Media DNICT 11 Febereiru 2021, 07:29:55 TLs DESPORTU
FFTL, LFTL no SEJD Komprometidu Garante Realizasaun Liga Futebol Iha Timor-Leste

S.E Eng. Abrão Nokosiku Saldanha akompaña husi Prezidente FFTL no dirijentes LFTL koalia hela ba mídia iha SEJD Lecidere Dili (09/02/2021), hafoin sorumutuk solusaun ba garante realizasaun Liga Futeból iha Timor Leste. Imajen/DNICT


DILI- Sekretáriu Estadu Juventude no Desportu Eng. Abrão Nokosiku Saldanha hala’o sorumutu ho dirijente sira husi Federasaun Tubteból Timor-Leste (FFTL) no dirijente sira husi Liga Futeból Timor-Leste (LFTL) ne’ebé antigamente koñesidu ho naran Liga Futeból Amadora (LFA). Sorumutu ne’e hala’o Iha Tersa, loron-9 fulan-Fevereiru tinan-2021,iha sala reuniaun SEJD, Lecidere, Dili.

Sorumutu ida ne’e akontese hafoin esforsu sira ne’ebé Sekretariu Estadu halo atu lori parte rua ne’e tur hamutuk atu koalia kona-ba kestaun dualizmu iha entidade futeból Timor-Leste, buka dalan ba rezolve diferensa sira entre parte rua ne’e no oinsa mak atu dezenvolve futeból diak liu tan ba oin iha Timor-Leste.

Husi parte governu, Sekretariu Estadu Juventude no Desportu esplika governu sei redus apoiu ba realizasaun liga ba 50%, ne’ebé sei garante liga bele la’o nafatin. 50% restu ne’e sei kobre husi Federasaun Futeból. “Ida ne’e sei fo espasu ba governu atu hahu investe ba dezenvolvimentu futeból iha baze, ne’ebé sei ajuda diak liu tan liga iha futuru,” hatete Sekretariu Estadu. Parte rua apresia no agradese Sekretariu Estadu nia esforsu ba lori parte rua tur hamutuk.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hare Komentariu Hotu-Hotu

Hakerek Komentariu