DJJD David Tomas de Deus hatoo SEJD Nia Mensajen Iha Akampamentu Juvenil

By Media DNICT 03 Desembru 2020, 10:04:55 TLs JUVENTUDE
DJJD David Tomas de Deus hatoo SEJD Nia Mensajen Iha  Akampamentu Juvenil

Fotografia : Diretór Jerál Juventude no Desportu David Tomas de Deus hato’o Sekretáriu Estadu Juventude no Desportu Nia Mensajen Iha Enseramentu Akampamentu Juvenil ne’ebé halao iha Salaun João Paulo II, Comoro Dili, (18/11/2020). Imajen/DNICT


DILI- Diretor Jeral Juventude no Desportu iha Sekretaría Estadu Juventude no Desportu (DJJD), David Tomas de Deus, hato’o Sekretáriu Estadu Juventude no Desportu nia mensajen iha enseramentu atividade akampamentu juventude nasional, ne’ebé organiza husi INpaktu Youth Timor-Leste no Timorese Youth Initiative For Development. Akampamentu ne’e hala’o durante loron neen iha Dili.

Sekretáriu Estadu labele ba halo enseramentu tamba tuir orientasaun husi Primeiru Ministru, ba akompaña Excellencia Prezidente da Repúblika nia vizita ba munisipiu Ermera.

Iha ninia mensajen, Sekretáriu Estadu Juventude no Desportu agradese no fo parabens ba komisaun organizadora ba organiza ona eventu ida ne’e no mós “tamba fo ona espasu ba joven Timor oan sira hodi mai hamutuk iha ne’e, durante loron 6 nia laran, explora sira nia potensia, sira nia kapasidade no ajuda mós sira hare oinsa mak sira bele kontribui diak liu tan no ativu liu ba ita nia rain nia dezenvolvimentu.”

Sekretariu Estadu mós konvida nia maluk juventude sira ne’ebé partisipa ona iha akampamentu ida ne’e atu sai motivador ba sira nia maluk joven seluk iha sira nia komunidade. “Ha’u hakarak atu konvida ha’u nia maluk joven partisipante sira hotu iha eventu ida ne’e, atu fila fali imi idaidak nia suku no aldeia sira, buka dalan fahe kbiit oituan ne’ebé imi hetan ona iha ne’e ho ita nia maluk joven sira iha ne’ebá. Buka ajuda sira explora sira nia potensia iha ita nia suku no aldeia sira,” Sekretariu Estadu konvida.

Enceramentu ba akampamentu juventude nasional ida ne’e hala’o iha Salaun João Paulo II, Comoro Dili, loron-18 fulan-Novembru tinan-2020.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu