CPNTL update informasaun ba SEJD

By Media DNICT 19 Febereiru 2021, 15:58:01 TLs DESPORTU
CPNTL update informasaun ba SEJD

Dirijentes CPNTL hasoru malu ho S.E Eng. Abrão Nokosiku Saldanha iha DJJD Lecidere Dili (19/02/2021) hodi halo diskusaun kona-ba partisipasaun atleta Paralimpiku iha Olympiade Tokyo 2021. Imajen/DNICT


DILI- Komite Paralimpiku Nasional Timor Leste (CPNTL;sigla Portugûes) , sexta loron 19 fevereiru 2021 ne’e hasoru malu ho Sekretáriu Estado Juventude no Desportu (SEJD), Eng. Abrão Nokosiku Saldanha. Enkontru ne’ebé realiza iha Sala reuniaun Diresaun Jeral Juventude no Desportu (DJJD), ne’e CPNTL update kona-ba partisipasaun atleta paralimpiku iha eventu Olimpiade Tokyo Japaun no ASEAN Paragames Vietmane inklui informa planu balun relasiona ho aktividade CPNTL nian.

Iha diskusaun ne’e excellensia sekretáriu estadu akresenta SEJD nia esperansa katak eventu internasionais rua (Olimpiade Tokyo no Asean Paragames), ita nia atletas tenke tuir maibe presiza tau atensaun mos ba situasaun global pandemic Covid 19 ne’e, ho ida ne’e mak prezensia entre CONTL ho CDTL ne’ebé reuniaun dahuluk ona, no informa fila fali ba CPNTL atu bele fahe informasaun ba malu hodi nune’e bele hetan solusaun ida ne’ebé diak ba ita nia atletas sira hotu.

Durante reuniaun ho CPNTL, Sekretáriu estadu Juventude no Desportu Abrão Saldanha rona mos preokupasaun husi lideransa CPNTL no atletas CPNTL kona-ba kondisaun ema ho defisiensia, “parte guvernu atraves SEJD mos sei koopera hamutuk hodi resolve problema balun ne’ebé CPNTL infrenta iha reuniaun konsello ministro”. dehan sekretariu estadu.

Entretantu, Sekretariu Jeral CPNTL Jose Da Silva Monteiru hateten, objetivu reuniaun ne’e maka update informasaun balun ne’ebé koalia foin lalais ne’e, nune’e mos ohin ne’e rona mos kona-ba excellensia nia intervensaun kona-ba atletas sira ne’ebe atu partisipa iha eventu olimpiade Tokyo Japaun no mos ASEAN PARAGAMES Vietname tinan ida ne’e.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hare Komentariu Hotu-Hotu

Hakerek Komentariu