DILI – Sekretáriu Estadu Juventude no Desportu (SEJD), liu husi Diretor Nasional Desportu no Alta Kompetisaun João Rodrigues nudar mos Xefe komisaun organizadora ba jogu CPLP 2020 nian iha Timor-Leste halo reuniaun official ho Confederasaun Desporto Timor-Leste (CDTL) atu identifika no prepara kontijente Timor-Leste ba jogu CPLP iha fulan jullu.

“ tamba ne’e mak ohin marka prezensa iha ne’e mai husi prezidente CDTL , no reprezentante federasaun sira hodi mai partilla informasaun katak federasaun sira halo ona selesaun ba atletas sira hodi prepara ba jogu CPLP iha fulan jullu mai, normalmente iha regulamentu hanesan iha regulamentu interna mak ita sei tuir ita nia kapasidade ba konseitu no depis ita aprezenta fali ba, ikus mai iha fulan marsu sei reuniaun ho komisaun desportu hamutuk ho diretur gerais ba estadu membru CPLP no sei aprezenta hodi halo konkordansia ida ba vigor on aba kompetisaun ida ne’e” dehan Diretor Desportu Alta Kompetisaun iha sala reuniaun SEJD Kuarta (05/02).

Marka prezensa iha reuniaun ne’e mak reprezentante federasaun sira husi Futeból, Basketból, Volyból, Xadres, Tenis do Kampu, Karate, Taekwondo, Atletismo, no federasaun Paralimpiku.

Hakerek na’in : Frederico B.de Jesus

Editór : Domingos C. Mendonça

@COPYRIGHT2020#MEDIAGABSEJD#