- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Sekretariu Estadu Juventude no Desportu Abrao Saldanha Loke Formasaun Youtubers
Fotografia : Sekretáriu Estadu Juventude no Desporto Abrão Saldanha.Imajen//DNICT
DILI- Sekretáriu Estadu Juventude no Desportu Sua Excellencia Eng. Abrão Nokosiku Saldanha halo abertura ba formasaun YouTubers Timor oan sira iha loron 2 fulan-Setembru tinan-2020. Formasaun ida ne’e hala’o husi UNDP ho Knua Juventude Fila Liman (KJFL) iha Pateo, Dili.
Objetivu husi formasaun ida ne’e mak atu fo koñese ba joven Timor oan sira oinsa atu sai YouTubers no oinsa mak sira bele hetan rendimentu ruma husi YouTube. Atividade formasaun ida ne’e sei hala’o semana ida dala ida durante fulan 3 ba oin hodi fo giaun kona-ba oinsa atu kria no halo jestaun ba kontiudu husi sira nia kanál YouTube edukativu no atrativu. Formasaun sira ne’e sei fo husi joven Timor oan sira ne’ebé mak susesu ona iha sira nia kanál YouTube no hetan osan husi ne’ebá.
Iha ninia diskursu abertura, Sekretariu Estadu Juventude no Desportu, Eng. Abrão Saldanha hatete “dijitalizasaun mak ita nia mundu ohin loron. Hanesan ita halai taru ho teknolojia, ita nia jerasaun simu buat rua dala ida; introdusaun teknolojia no degradasaun forsa traballu ne’ebé mosu hanesan konsekuensia husi dezenvolvimentu teknolojia. Maibé, eknologia mós fo dalan ba oinsa bele hetan servisu” no joven sira tenki prepara sira nia an ba ida ne’e.
Sekretáriu Estadu haksolok ho inisiativa ida ne’e no husu ba participante sira atu aproveita didiak formasaun ida ne’e. Nia husu liuliu atu partisipante sira explora oportunidade sira ne’ebé mak existe ba expresa sira nia kreatividade no estimula sira nia maluk joven seluk atu kontribui ba Timor-Leste nia dezenvolvimentu.
#FoinSaeMillennialForsaKriativa
#DesportuIhaSosiedadeNoPrestasaun
EJMG//Joqi//FBdJ//RM@copyrigthDNICT-SEJD 2020