SEJD no Korpu da Pas asina kooperasaun servisu

By Media DNICT 17 Desembru 2019, 13:50:03 TLs JUVENTUDE
SEJD no Korpu da Pas asina kooperasaun servisu

Fotografia : Diretor Geral SEJD João dos Santos no diretora Korpu da Pás Timor Leste Kavita Pullapilly asina kooperasaun Servisu iha salaun SEJD


DILI - Sekretaria Estado Juventude no Desportu (SEJD) liu husi diresaun Jeral SEJD asina kooperasaun servisu ho agensia korpu ba Pás Timor-Leste iha salaun enkontru SEJD (17/12)

Diretora Nasional Korpu da Pás Timor Leste, Kavita Pullapilly hateten Korpu da Pás parseria informalmente ho SEJD desde entrada iha Timor Leste iha tinan 2016. SEJD ho Korpu da Pás iha meta hanesan para atu bele oinsa ajuda dezenvolve juventude sira iha kapasidade liu-liu iha area oinsa atu aprende skill ka abilidade konaba servisu nian kona ba enprendedores nomos abilidade seluk ne’ebe relevante ba juventude.

“Ami senti kontenti teb-tebes atu bele formaliza ami nia parseria ho Secretaria de Estado da Juventude no Desportu hodi nune’e para ami bele besik liutan ho SEJD hodi ezekuta programa ba juventude sira ,” dehan Kavita Pullapilly.

Xefe Departementu Cooperação Institusional SEJD, Cesarino da Silva hateten kooperasaun ne’e liu husi apoiu voluntariu nain rua husi korpu ba Pás hodi fasilita programa balun iha area formasaun nian.

“Ohin ita asina akordu ho parseria korpu da paz Timor Leste katak koperasaun ne’ebe durante ne’e ita lao hela maibe ita seidauk formaliza ita nia kooperasaun, durante ne’e ita hotu hatene katak liu husi komunikasaun informal Secretraria Estado Juventude no Desportu liu husi Diresaun Nasional Politika Coperasaun Institusional (DNPCI) servisu hamutuk ho korpu da paz ita halo ona konkordansia ida, sira oferese sira nia volontaria nain rua mai ita para bele apoiu ita nia programa balun , iha inisio sei hare liu ba lingua ingles ba oin ita sei iha programa seluk hanesan formasaun ICT ba funsionario sira,” dehan Cesarino.

 

Hakerek na’in : Abel de J. Andrade

@COPYRIGHT2019#DNICT-SEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu