SEJD loke abertura copa 20 de maiu aileu
SEJD loke abertura copa 20

By Admin 29 Agostu 2019, 14:43:41 TLs DESPORTU
SEJD loke abertura copa 20 de maiu aileu

Fotografia : SEJD loke abertura copa 20 de maiu aileu


AILEU (3 AGOSTU 2019) – Sekretariu Estadu Juventude no Desportu (SEJD) Nelio Isaac Sarmento loke abertura jogos Copa 20 de Maiu 2019 ne’ebe halao ona dala IV hosi Concelho Juventude Munisipiu Aileu (CMJA), Sabadu – 3 Agostu 2019, iha Kampu Futebol Aileu Villa, Munisipiu Aileu.

Kompetisaun ne’e rasik partisipa hosi klubu local Aileu hamutuk 17 hanesan Grupu A: FC. Atletic, Fohada, Fomal Jonior, Slar, Grupu B: Canaan, Labadaen, UJF, Univentu, Grupu C: Haljus, Nicolau, Arabica, Unidos, Grupu D: Fagen, Jontal, Sao Paulo, Kuramat, Fomal A.

“Kompetisaun ne’e diak no hosi jogos sira ne’e bele hetan fini foun hosi futebol nian no bele halo selesaun Aileu nian hodi partisipa iha jogo nasional, hanesan la kleur sei iha Festival Nasional Desportu (FND) ne’ebe sei halao iha Baucau,” dehan Sekretariu Estadu, Nelio Isaac Sarmento.

Laos ne’e, iha tinan oin mos tuir Sekretariu Estadu katak, sei iha kompetisaun hosi FFTL (Federasaun Futebol) entre assosiasaun futebol munisipiu sira. Tamba ne’e, liu hosi kompetisaun ne’e bele halo selesaun ba jogador munisipiu sira nune’e bele kompete defende nia munisipiu.

Administrador Munisipiu Aileu, Joao Tilman do Rego promote katak sei halo selesaun jogador futebol nian liu hosi kompetisaun ne’e hodi reprezenta Munisipiu Aileu joga iha Festival Desportu Nasional (FND) Baucau.

“Liu hosi kompetisaun ne’e, ita sei halo selesaun hodi reprezenta Aileu joga iha FND Baucau,” deklara Joao Tilman do Rego.

Nune’e reprezentante hosi Komando PNTL Munisipiu Aileu, Inspectora Fatima Ximenes husu ba jogador sira atu hatudu amizade iha jogo no kria dame durante kompetisaun.

Antes ne’e, FC Atletic iha 2017 no 2018 mak sai kampiaun dala rua tutuir malu.

Kompetisaun ne’e hetan apoiu orsamentu hosi SEJD ho sponsor sira balun.

@COPYRIGHT2019#MEDIAGABSEJD#PHOTOGALLERIA#JULIODACOSTA#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu