SEJD konsege exekuta nia programa iha tinan 2019 liu porsentu 93

By Admin 14 Jeneiru 2020, 07:45:35 TLs JUVENTUDE
SEJD konsege exekuta nia programa iha tinan 2019 liu porsentu 93

Fotografia : Diretor Jeral SEJD João dos Santos esplika exekusaun programa tinan 2019


DILI – Sekretária Estadu Juventude no Desportu (SEJD) ba tinan 2019 iha nia Planu Asaun Annual (PAA) kompostu husi atividade boot rua mak hanesan atividade iha area Juventude no area Desportu konsege atinzi nia exekusaun liu porsentu 93.

Diretor Jeral SEJD, João dos Santos hateten iha to’o iha 23 dezembro ne’e ezekusaun programa iha Area Juventude nian kuaze ezekuta hotu 95%, iha area Desportu nian ezekuta kuaze 90% tanba iha atividade balun la konsege realiza.

Nudar João dos Santos, prosesu tomak hahu husi preparsun , Termu referensias to’o ba exekusaun atividade kada diresaun tuir kalendariu iha atividade balun iha fulan dezembru sei lao hela.

“Agora nia progresu saida mak hetan tuir PAA indikadores balun ne’ebé monta iha neba depoisde realizasaun diresaun sira esforsu nia indikador sira ne’ebé tau iha planu nee kuaze lubuk ida mak atinji liu indikador sira, liu-liu dezemvolvimentu iha area Juventude nian, apoiu institusional ba organizasaun juventude sira, iha planu inisiu iha 13 maibe to’o mai iha agora iha 14 ba sentru Juventude , aumenta mos organizasaun sira ne’ebe maka iha area Juventude nian iha neen (6) tan nune’e total to’o iha 19 ba sentru juventude sira. Iha rea desportu ita nafatin, ba area apoiu ba kapasitasaun institusional area desportu sira ita suporta nafatin liu husi organizasaun umbrela sira ne’ebé mak iha hamutuk neen (6) mak ita suporta CDTL, CPNTL, Federasaun Desportiva Akademika Timor Leste, FESDERATIL no SOTL. SOTL ita tau iha planu atu fo apoiu operasional ba iha kapasitasaun institusional nian maibe iha tinan ida ne’e Ministeriu Solidariedade Sosial no Inkluzaun suporta entun ita la fob a hodi apoiu sira nia funsionamentu organizasaun” esplika João dos Santos iha entrevista ida ba programa buletim SEJD iha ETDA Dili foin lalai ne’e.

João dos Santos mos hateten parseiru sira ne’ebé mak durante nee koopera hamutuk ho SEJD iha area Juventude no desportu sira koopera ho diak tebes hodi implementa atividade hotu ne’ebé ita planeia.

“Agora iha area desportu ne’e mós koopera diak maibe iha federasaun balun mak la konsege realiza atividade ne’ebé mak tau iha planu tanba ida ne’e ita fo deadline ita fo to’o iha 30 Outobru sira tenki submete ona proposta hodi realiza, maibe iha federasaun lima ida hanesan ne’e sira la konsege hatama proposta hodi realiza atividade tuir planu . dalaruma liu husi Konfederasaun Desportu Timor Lesete (CDTL), federasaun sira ne’ebé eziste balun legalidade seidauk lao diak entaun sira labele asesu ba orsamentu nebe mak SEJD propoin atu suporta sira liu-liu ba kampionatu nasional. Enkuantu federasaun sira ne’ebé iha legalidade diak automatikamente sira nia proposta nebe hatama preense rekezitus entaun sira bele hetan,” dehan João.

Federasaun basketeból, Halai taru kuda , tenis meja, Muathai, automobilismo, atividade ne'e la konsege realiza hamutuk ho parseiru sira iha 2019.

@COPYRIGHT2019#DNICT-SEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu