SEJD apoiu formasaun treinamentu treinador (TOT) LSB, edukasaun sivika no promosaun juventude

By Media DNICT 19 Desembru 2019, 09:02:48 TLs JUVENTUDE
SEJD apoiu formasaun treinamentu treinador (TOT) LSB, edukasaun sivika no promosaun juventude

Fotografia : S.E Nelyo Isaac Sarmento abertura TOT 2019 ba foinsae iha IOB hamutuk ho Diretor Jeral SEJD, Interinu Diretor Nasional Juventude, no diretor executivu CCYC Comoro


DILI- Sekretariu Estadu Juventude no Desportu (SEJD) Nelyo Isaac Sarmento hamutuk , Diretur Jeral SEJD, Reprezentante Diretur Juventude, no Diretur Ezecutivu CCYC Comoro, abertura formasaun treinamentu formador (TOT) ba juventude husi munisipiu 12 no RAEOA.

Iha diskursu Sekretariu Estadu Juventude no Desportu Nelio Isaac Sarmento hatete dezemvolve rai ne’e ba oin tenke liu husi formasaun edukasaun sivika nian , ne’e katak materia ne’ebé hetan iha formasaun ne’e bele kapasita partisipantes ne’ebé partisipa sai treinador diak ida ba nia maluk joven sira seluk, liu-liu joven sira ne’ebé iha eskola secundaria nomos Universidade. Nudar Nelyo Isaac , kapasitasaun laos ba funsoens pensamentu maibe tenki fizikamente.

“Atu fo hanoin ba imi sira ne’e joven ne’e laos funsoes imi nia pensamentu ne’ebe ita presiza, entaun tenke konstrui mos nia a’an fizikamente. Liu-liu ba joven sira ne’ebe idade sei kiik oan komesa konsumu ona sigaru, ne’e atu dehan deit katak atu estraga ita nia saude ne’e, katak joven ne’ebe hanoin idak entermus fiziku diak, ida ne’e ita bele garantia, ita lakohi idade joven sira ne’ebe to’o tinan ha’at nulu, moos hetan ona moras kona-ba kurasaun, entaun joven sira mos tenke kuidadu mos saude iha sira nia a’an rasik, liafuan ne’e hau sempre koalia bebeik ba imi nia maluk joven sira katak diak liu prevene duke kura, tamba kura ne’e buat barak, maibe ita prevene antes ita sei laduvida, ida fali mak agora dadaun ita nia joven sira hasoru mak lakon konfiansa, lakon esperansa iha domin. Ita halo apa ama sira tanis signifika katak ita hakmatek deit, iha minoridade ne’e ita presiza akompana deit, tamba oras ne’e,” dehan Nelyo ba foinsa’e sira iha Salaun Kampus IOB Manleuna, tersa (17/12).

Governante ne’e husu ba joven sira ne’ebé tuir formasaun training of Training (TOT) ne’e bele fasilita fali nia maluk sira kundu fila ona ba ida-idak nia munisipiu.

“Nudar sekretariu estadu sempre fo hanoin bebeik no lalaok ita ema nia moris liu-liu ba joven sira, ita boot sira hatene 1.3 milloes iha ita nia rai mak 70% ne’e ida 30 anos mai karik katak sai sekretariu estadu ou sai ministru mai husi ida ne’e kiik mak 17 too 35 ida ne’e mai raik ita nia populasaun ne’e, ne’ebe idade kiik oan katak sira ne’e tenke investe diak ba oin tamba nasaun laos ba kotuk , tamba nasaun ne’e atu ba oin nafatin, ne’ebe ita boot sira ne’e futuru no gerasaun nasaun nian ba oin no futuru ne’ebe garantia imi nia forsa atu ba oin, no investe ita nia ema rasik iha ita nia nasaun laran tamba ita hatene katak osan mean no osan mutin iha hela maibe ita lakohi investe ita nia kakutak maibe ita investe fali ema seluk atu hetan benefisiu ne’e, entaun liu husi treinamentu (TOT) ka Training of Training ne’e imi bele hetan materia diak atu fasilita fali imi nia maluk sira iha munisipiu ne’ebe imi hela ba,” hatutan Nelyo.

Partisipa iha abertura formasaun TOT ne’e mak Reprezentante Diretur Juventude, Diretur Ezecutivu CCYC Comoro, no hetan partisipasaun masimu husi juventude ne’ebe mai husi munisipiu 12 inklui RAEOA nomos parseiru sira hotu ne’ebe hela iha Dili no munisipiu.

 

Hakerek na'in : Frederico B.de Jesus

@COPYIGHT2019#MEDIAGABSEJD




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu