SEJD reuniaun hamutuk ho lina ministeriais sira ba preparasaun jogu CPLP iha fulan jullu 2020

By Admin 05 Febereiru 2020, 14:13:20 TLs DESPORTU
SEJD  reuniaun hamutuk ho lina ministeriais sira ba preparasaun jogu CPLP iha fulan jullu 2020

Fotografia : SEJD reuniaun hamutuk ho liña ministeriais sira ba perparasaun jogu CPLP iha fulan jullu 2020


DILI – Sekretariu Estdau Juventude no Desportu (SEJD), Nelyo Isaac Sarmento hateten ba kada Komisaun ne’ebé mai husi lina ministeriais sira atu lao tuir regras ne’ebé ekipa teknika prepara ona ba jogu CPLP nian maske nasaun Timor-Leste dadauk ne’e hasoru impasse politika. Governante ne’e dehan estadu Timor-Leste garante ba realizasaun jogos CPLP ba dala XII ne’ebé Timor-Leste mak sai uma nain

.“Esplika relasioan ho orsamentu temporia ne’e liu-liu ba ministeriu sira ne’ebe relevante ba orsamentu no hoteis sira ne’e atu buka meios oinsa fo diskontu mai ita, Maibe ita hanesan estadu membros ne’ebe ita nia kompremisu ne’e klaru teb-tebes katak tinan ida ne’e ita sai uma nian” dehan Nelyo Isaac.

Entertantu Diretor Nasional Asaun Social Escolar, Belcior Maria Almeida Barros husi Ministeriu Educasaun Juventude no Desportu (MEJD) hateten preokupsaun ida mak TOR ba liñas ministeriais sira atu hatene saida mak sira nia responbalibidade ba iha aktividade jogu CPLP ne’e rasik. MEDJ sei koordena ho eskola ba perparasaun eventu ne’e atu bele anima durante atividade jogu ne’e halao iha fulan jullu. Belcior Maria mos hatutan parte husi ministeriu edukasaun mos kooderna nafatin ho federasaun sira hotu ba atletismo sira ne’ebé mai husi estudante sira husi eskola sira.

“Ministeriu edukasaun sei fo sirkular ida ba iha eskola ida-idak ne’ebé estudante sira eskola ba, atu nune’e eskola mos hatene ba tempu preparasaun hodi halo treinamentu no bele tama iha jogu loron sanulu nia laran ne’e atu sira nia eskola bele fo lisensa ba sira atu partisipa iha jogu ida ne’e. Portantu ida ne’e mak ohin ministeriu edukasaun fo nia ideia ka hanoin sira ba iha forum atu nune’e eskola sira hotu ne’ebe iha munisipiu Dili no Ermera atu bele halo animasaun ida ba iha loron ne’e iha eventu jogu CPLP ne’e rasik” dehan Belcior Maria Almeida Barros ba jornalista sira Kuarta (29/01/2020), iha Salaun Inkontru SEJD, Lecidere, Dili.

 

Hakerek hosi: Frederico de Jesus

Editor: Domingos Caetano M

COPYRIGHT@2020#MEDIAGABSEJD#




Video Ligasaun:

Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu