S.E Eng Abrao Nokosiku Saldanha Bolu Urgente Lideransa Arte Marsial PSHT

By Media DNICT 14 Setembru 2020, 08:16:06 TLs CRAM
S.E Eng Abrao Nokosiku Saldanha Bolu Urgente Lideransa Arte Marsial PSHT

Fotografia : S.E Eng. Abrão Nokosiku Saldanha halo sorumutu urjente ida ho lideransa husi organizasaun arte marsial PSHT iha sala reuniaun SEJD Lecidere Dili (11/9/2020).Konvokatoriu sorumutu ne’e relasiona ho atividade sa’e sintu iha Indonesia. Imajen/DNICT


DILI- Iha loron-11 fulan-Setembru tinan-2020, Sekretáriu Estadu Juventude no Desportu Eng. Abrão Nokosiku Saldanha halo sorumutu urjente ida ho lideransa husi organizasaun arte marsial PSHT. Konvokatoriu sorumutu ida ne’e relasiona ho atividade sa’e sintu ne’ebé PSHT hala’o iha Atambua, Indonesia, ne’ebé involve Timor oan balu pasa fronteira ilegalmente no hetan kapturasaun husi autoridade siguransa.

Sekretariu Estadu hatete nia bolu lideransa sira PSHT nian ho urjente hodi “husu ba lideransa PSHT nian atu buka dalan informa ba nia membru sira, nune’e bele hakmatek lai tamba guvernu agora ne’e la taka matan. Governu agora ne’e servisu maka’as hela atu halo pakote lejislasaun sira ne’ebé nesesariu atu akomoda duni organizasaun arte marsial sira hotu nia aspirasaun. Sekretariu Estadu husu ba PSHT nia lideransa no membru sira atu kontribui ba prosesu ne’ebé mak governu hahu ona no hala’o dadauk.

Presidente PSHT, Baltazar Lemos Seixas hatete ninia parte ho parte guvernu hato’o hela ba joven sira ne’ebé partisipa iha organizasaun Persaudaran Setia Hati Terate atu hakmatek lai, pasiensia oituan, hodi akompaña prosesu ne’ebé governu ho lideransa sira organizasaun arte marsial nian hala’o dadauk.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu