DILI- Sekretáriu Estadu Juventude no Desportu, Eng. Abrão Nokosiko Saldanha hala’o abertura ba Kampionatu Nasioanl Atletismo Juvenil U14-16/Senior, iha Stadion Municipal Dili, kinta loron 30 jullu 2020. 

Objetivo realizasaun kampionatu nasional Atletismu Juvenis U14-16 ne’e mak atu halo selesaun ba atleta nasionais hodi partisipa iha eventu desportu Komunidade País Lian Portugés (CPLP , sigla Portugés) iha tinan 2022 dehan S.E Abrão Nokosiku iha nia diskursu.

Nudar Abrão, kampionatu ne’e normalmente sempre halo tinan-tinan hodi halo selesaun ba atleta sira tuir jogu CPLP mesmu tinan ne’e la realiza tamba Covid-19, maibé perparasaun kontinua lao.

“ Ba kampionatu atletismo ho objetivu atu halo selesaun ba atltes nasionais hodi partisipa iha eventu CPLP, ida kampionatu ne’e normalmente kada tinan sempre halo, hodi buka atletas atu tuir jogos CPLP, infelizmente jogu CPLP labele realiza iha tinan ida ne’e, tamba covid-19, jogu CPLP ne’e realiza iha ano par entaun iha 2022 mak realiza jogu CPLP ne’e, ba sira ne’ebé kampionatu agora presiza sei prepara sira ba partisipa iha eventu jogu CPLP ne’e, hatete Abrão Saldanha.

Governante ne’e louva Federasaun Atletismu Timor-Leste (FAT) ne’ebé realiza kampionatu ne’e mesmu iha situasaun surtu Kovid-19 nia laran. Sekretáriu Estadu mos enkoraja atleta sira kontinua iha korajen no responsabilidade reprezenta diak liu tan ba ita nia rain hanesan mós ho atleta paralimpiku nian ne’ebé hamorin ona ita rain iha Azia no mundo.

“ Esperansa atletismo katak paraolimpico lori ita nia rain nia naran iha aziatiku no mundu, tamba fera rekor, hein katak sira ne’ebé laiha portador sufisiente no sei halo diak liu tan ida ne’ebé paraolimpiku sira nia prestasaun, ida ne’e mak dezafiu ida ba ita boot sira, no orsida bele hare sira no sai reprezentasaun diak liu ba ita nia rain, kona-ba jogu CPLP, tamba Brasil no Portugal inklui nasaun sira iha Afrika mos sei hasoru hela covid-19 ne’e, entaun ita seidauk hatene lolos bainhira, maibe hanesan preparasaun ita sei kontinua halo nafatin para it abele hetan prestasaun ne’ebe diak liu tan,” dehan Abrão Nokosiku. 

Lideransa SEJD ne’e akresenta guverno apoiu atividade hotu iha área juventude no desportu nian no orsamentu tranfere ona ba kada federasaun sira atu realiza atividade mesmu iha federasaun balun ne’ebé  monu iha tinan fiskal ne’e suspende  relasiona ho prioridade guvernu nian ba rekoperasaun ekonomiku.

Agora iha ona protokolu sanitaria atu re-abertura ba jogu desportu nian, ba atletismo laiha problema, tamba iha distansiamentu rasik, inklui xadres, karate mós atu re-abertura sira nia kampionatu ne’e , tenik Abrão Saldanha hodi hakotu nia intervensaun.   

#FoinSaeMillenialForsaKriativa

#DesportuIhaSosiedadenoPrestasaun

Hakerek husi : Ferederico Branco De Jesus 

Editór : Robert Mendonça  

@copyrigth DNICT-SEJD 2020