Membru PFN periodu IV nain-131 hahu formasaun dahuluk iha Dili

By Media DNICT 16 Desembru 2019, 14:43:31 TLs JUVENTUDE
Membru PFN periodu IV nain-131 hahu formasaun dahuluk iha Dili

Fotografia : Prezidente Exekutivu APFTL agradese ba SEJD iha abertura formasaun dahuluk membru Parlamentu Foinsa’e Nasional Foto : Doc APFTL


DILI- Membru Parlamentu Foinsa'e Nasional (PFN) periodu IV 2019-2022 nain -131 husi munisipiu 12 no RAEOA partisipa formasaun dahuluk iha Unio- Sentru Formasaun Diocese Dili , Maloa (09/12).

Sekretariu Estadu ba Juventude no Desportu (SEJD) Nelyo Isaac Sarmento, diriji abertura formasaun dahuluk ne’e no enkoraja membru PFN sira hodi partisipa maxima no aproveita didiak formasaun ne'e. Governante ne’e mos husu ba membru PFN tenke sai joven exemplar ida ne'ebé kriativu, atrativu no iha Inteletual.

Prezidente Exekutivu APFTL, Zaulino Gomes da Silva, agradese ba SEJD tanba fo fiar ba APFTL hodi organiza formasaun ba membru PFN no utiliza rekursu APFTL rasik hodi fasilita formasaun sira ne'e hotu.

Formasaun ne'e nia durasaun loron 8 hahu husi loron 9 - 17 Dezembru 2019, iha Unio - Sentru Formasaun Diocese Dili ho materia formasaun sira maka Life Skill Based Education, Edukasaun Sivika, no Analiza Sosial Bazika.

@COPYRIGHT2019#DNCIT-SEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu