- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
DNAJ Distribui Sertifikadu ba Formandos LSB Nain 26 Iha Centro Juventude Comoro
Fotografia : Diretór DNAJ Marcos da Costa entrega sertifikadu ba formandus iha Centru Juventude Comoro, Imajen/DNICT
DILI- Diresaun Nasional Asosiativismu Juventude (DNAJ) iha Sekretária Estado Juventude no Desportu (SEJD) paritipa iha serimonia distribuisaun sertifikadu ba formandus Life Skill Basic (LSB) nain 26 iha Sentru Juventude Comoro, kuarta loron 29 jullu 2020.
Diretór Nasional Asosiativismu Juventude Marcos da Costa Agradese ba centro tamba fornese ona formasaun voluntario laos deit ba suco Fatuhada Comoro maibé partisipantes sira mai mos husi suku no postu seluk.
Nudar Marcos, joven ne’ebé Idade produtivu la-bele fo sofre deit ba familia no autoridade sira maibe idade produtivu ne’e preense an ho atividade positivu sira atraves formasaun atu bele hetan oportunidade atu bele ukun rasik an.
Diretór ne’e rekomenda ba Centru Juventude Comoro aumenta formasaun kona-ba edukasaun sivika tamba husi partisipantes 123 ne’ebé partisipa iha formasaun refere metade iha hanoin atu ba servisu iha rai liur.
“ Husi partisipantes 123 ne’e metade iha hanoin atu ba servisu iha rai liur ne’e tenki civilizadu, mais imi la sai civilizadu , responsabel imi sei halo sasan sira sabraut iha rai laran lori ba iha rai liur. Imi ba ho dignidade fila la ho dignidade . LSB nee importante para imi bele hatene imi nia an hatene mos regras normais nebe mak aplika iha ita nia rain nune’e mos aplika iha rai liur para imi ema dehan sai siviku para nune’e joven milenial , kriativu, inovativu no orgullu nudar Timor oan. Imi fila fali mai orgullu hanesan Timor oan, izemplu barak mak trabalhador sira nasaun liur deporta tamba sira la kumpri regras sira nebe mak ita nia estadu hanorin no no ema nia rain estabelese ona,” dehan Marcos da Costa.
Diretor Ezekutivu Centro Juventude Comoro, Zito Isidoro Freitas hatete Centru Juventude laos fo kursu deit maibe sentru mos eduka oinsa joven sira bele sai sidadaun nebe siviku nomos Abilidade neébé bele kontribui ba paz mak durante nee sentru halo.
Zito Freitas kongratula formandus sira no husu atu formandus ida-idak valoriza sira nia esforsu ne’ebé hetan ona iha formasaun.
“ Parabens no labele simu sertifikadu kontente ona maibé oinsa ita boot sira bele responsabiliza ba iha sertifikadu nebe simu. Liu-liu ba alin sira ne’ebé simu sertifikadu LSB katak aprende LSB hahalok mak tenke hanesan ho sa mak aprende iha LSB, selae sertifikadu ne’ebé hetan nia valor nee la iha" hatete Zito.
#FoinSaeMillenialForsaKriativa
#DesportuIhaSosiedadenoPrestasaun
@copyright DNICT-SEJD 2020