- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
APFTL Fokus Forma Joven Siviku, Ezersisiu hodi Kontribui Vizaun SEJD
Fotografia : Presidente Ezekutivu Alumni Parlamentu Foin-sa’e Timor Leste (APFTL) Zaulino Gomes da Silva, sexta (17/07). Imajen/DNICT
Presidente Ezekutivu Alumni Parlamentu Foin-sa’e Timor Leste (APFTL) Zaulino Gomes da Silva hateten misaun APFTL nian mak fokus ba oinsa forma joven ne’ebé síviku. Joven ne’ebé síviku mak joven ne’ebé hahalok diak, la komete krime, dehan lideransa APFTL ne’e iha sala reuniaun SEJD Lecidere hodi selebra asina ASH ho SEJD.
Zaulino Gomes da Silva hatete, durante eziste hanesan organizasaun juventude sempre hasoru dezafiu iha parte finanseiru, rekursu umanu, nomos kapasidade institusional, maibe ne’e la hamate vontade atu la funsiona maibé identifika hodi buka oportunidade hodi resolve kedas.
“ Mensajen lubuk ida ne’ebé S.E hato’o no koalia kona-ba vizasaun SEJD nian, durante iha nia mandatu tinan 2 ne’e mak joven milenial, forsa iha kriativu, oinsa atu integra organizasaun juventude hotu-hotu nian, nia programa liu-liu ba aktividade sira hodi koresponde ba vizaun ida ne'e, no ami ida-idak fila fali ba no halo ezersísiu no depois halo organiza ninia programa ba aktividade sira hodi kontribui ba vizaun ne’ebé SEJD iha,” hatete Zaulino Gomes
SE dehan, oinsa atu muda imajen joven ninian, liu-liu sosiedade públiku sempre hatete joven autor konflitu ou joven mak sai problematiku no joven sempre halo problema iha sosiedade ba imajen ida ne’e hakarak transforma, laos joven sai autor ba konflitu no ba problema hakarak lori fila fali joven sira nia imajen ba sosiedade ba joven ida ne’ebe mak kontribui ba paz, liu-liu ba dame no joven ne’ebe mak iha talentu, iha kriatividade, iha inisiatividade no joven ne’ebé mak susesu barak, joven ne’ebe mak iha inisiativa ida mak oinsa mak organiza no mobiliza an iha públiku, tenik Zaulino Gomes.
Presidente APFTL ne’e subliña oinsa mak atu hare joven sira ne’ebé iha kriatividade durante sira halao maibé ema la hateke atu hetan, no oinsa mak atu lori joven sira ba públiku katak ida ne’e mak kriatividade jove sira ninian, laos joven mak violensia boot no ita hakarak lori fali joven sira ba dalan diak no banati tuir saida mak joven sira bele kontribui ba nasaun ne’e liu husi komemorasaun loron juventude. Halibur joven sira, atraves halo kompetisaun ba lixu no lixu ne’e sai fali valor ekonómika entaun ita bele apoiu sira ho diak liu tan ba sira nia kriatividade rasik sente katak sira mos iha valor no saida mak sira halo, katak Zaulino.
Hakerek husi: Frederico Branco de Jesus
Editór: Robert Mendonça
@COPYRIGHT2020# DNICT-SEJD#