Artista lejendariu Obbie Messakh no Cristinne Panjaitan sei harame kapital Dili

By Media DNICT 29 Novembru 2019, 15:37:03 TLs JUVENTUDE
Artista lejendariu Obbie Messakh no Cristinne Panjaitan sei harame kapital Dili

Fotografia : Artista lejendáriu Indonézia, Obbie Messakh no Cristine Natalina Panjaitan hasoru Sekretariu Estado Juventude no Desportu (SEJD) Nelyo Isaac Sarmentu sesta (29/11)


Artista lejendáriu Indonézia, Obbie Messakh no Cristine Natalina Panjaitan hasoru Sekretariu Estado Juventude no Desportu (SEJD) Nelyo Isaac Sarmentu sesta (29/11) iha salaun enkontru SEJD Lecidere. Iha hasoru-malu ne’e Secretariu Estado agradese presensa artista na’in rua ne’e hodi anima povu Timor-Leste liu-liu populasaun iha kapital Dili.

Governante ne’e hateten ho prezensa artista lejendáriu ne’e bele fo motivasaun ba kantor foinsae sira iha Timór atu kontinua hasa’e koñesimentu no kapasidade iha múzika liu-liu treinu vokal nomos kontinua dedika tempu tomak ba talentu musika ne’ebé iha.

Enkuantu, Obbie Messakh hateten múzika parte universal tanba ne’e kuaze kanta sira ne’e ema gosta rona mesmu ema la intende di’ak ho lian lokal maibé kontinua rona tuir ritmu no kondisaun ne’ebé ema-sira ne’e iha.

Obbie Messakh no Cristine Panjaitan sei halo konsertu animasaun gratuita ba povu Timor iha Sabado (30/11) tuku 17:30 OTL iha resintu SEJD. Atividade konsertu ne’e parte ida hodi komemora Proklamasaun Independensia Timor-Leste ba-dala 44.

Konsertu gratuita ba povu kapital Dili ne’e organiza husi Associação Comercial da Comunidade Chinesa Timor Oan (ACCCTO). Presidente ACCTO Katlheen Gonçalves hateten eventu GOLDEN SWEET MEMORIES 2 ne’e realiza tanba hetan apoiu fundus husi Guvernu no emprezariu sira.

Konsertu animasaun ne’e aleinde kantor Obbie Messakh no Cristine Panjaitan harame mós grupu banda hanesan New Arquiris, Ozora Band, Fitun Naroman, For You Band , no GNSTR inklui artista husi Timor Leste hanesan Anito Matos, Nino Pereira, Marvi, Gerson, Lili Ribeiru, nomos artista foinsae sira seluk.

@COPYRIGHT2019#DNICT-SEJD#




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu